В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
26.04.2021, 10:15
Бер атна эчендә Казанның ашыгыч ярдәм хезмәте 14 тапкыр янгын урыннарына чыккан
Барлыгы 19-нчы апрельдән 25-нче апрельгә кадәр 7625 чакыру үтәлгән.
Фото: Марат Мугинов
(Казан шәһәре KZN.RU, 26-нчы апрель). Узган атнада, 19-нчы апрельдән 25-нче апрельгә кадәр, Казанның ашыгыч медицина ярдәме 7625 чакыру үтәде, шул исәптән 1111 чакыру җәмәгать урыннарына.
Иң күп чакырулар, 6762, төрле авырулар уңаеннан кылынган. Аларның 171 чыгу сәбәбе – баш мие кан әйләнешенең көчле бозылулары, ә 58-енең – көчле миокард инфарктлары. Бала табу очракларына табиблар 72 тапкыр чыккан.
Бәхетсезлек очракларына медикларны 791 тапкыр чакыртканнар, шул исәптән 29 шалтырату юл-транспорт һәлакәте урыннарыннан килгән. Аварияләрдә 36 кеше зыян күргән, дәвалау учреждениеләренә 24 зыян күрүчене китергәннәр, икесе һәлак булган. Моннан тыш, ашыгыч ярдәм 14 чакыруны янгын урыннарына үтәгән, аларда биш кеше зыян күргән, дип хәбәр иттеләр Казанның «Ашыгыч медицина ярдәме станциясе» дәүләт автоном сәламәтлек саклау учреждениесендә.
Шулай ук укыгыз
-
24.07.2025, 12:00 -
24.07.2025, 11:22 -
23.07.2025, 17:46 -
23.07.2025, 17:27