Узган атнада Казанда 387 бала туган

Иң яшь әнигә - 16 яшь, иң яшь әтигә - 19 яшь.

(Казан шәһәре KZN.RU, 6-нчы июнь). 25-нче майдан 1-нче июньгә кадәр Казанның ГХАТ бүлекләрендә 387 бала тууы теркәлгән: 193 малай һәм 194 кыз.

Иң яшь әнигә - 16 яшь, иң яшь әтигә - 19 яшь. Иң өлкән әнигә - 45 яшь, иң өлкән әтигә - 52 яшь. Иң җиңел авырлыктагы бала 700 грамм булган, максималь авырлыктагысы - 5450 грамм.

Бу атнаның иң популяр исемнәре: Алисә, Әминә, Артем, Кәрим, Тимур, Арина, Ясминә. Иң сирәк кушылган исемнәр: Ханна, Анита, Минтимер, Мирас, Ария, Назарий, Отарий, Рамина, Алим, Әмин.

Шул ук вакыт эчендә шәһәрнең Гражданлык хәле актларын теркәү бүлекләрендә 29 пар үз никахларын теркәде, дип хәбәр итә Казанның Гражданлык хәле актларын теркәү идарәсе.

Шулай ук укыгыз

Барлык яңалыклар