Узган атнада Казанның ашыгыч ярдәм хезмәте 7,2 меңнән артык чакыру үтәгән

Бала табу очракларына табиблар 99 тапкыр чыкканнар.

(Казан шәһәре KZN.RU, 20-нче май). Узган атна эчендә, 13-нче майдан 19-нчы майга кадәр, Казанның ашыгыч медицина ярдәме 7223 чакыру үтәгән, шул исәптән 1321 чакыру – җәмәгать урыннарына.

Иң күп чакырулар, 5644, төрле авырулар буенча башкарылган. Алар арасыннан 196 чакыруга баш мие кан әйләнешенең кискен бозылулары, ә 59 чыгышка – көчле миокард инфарктлары сәбәп булган. Бала табу очракларына табиблар 99 тапкыр чыкканнар.

Табиблар бәхетсезлек очраклары буенча 866 шалтырату кабул иткән, аларның 34-е юл-транспорт һәлакәте урыннарыннан булган. Аварияләрдә 33 кеше зыян күргән, хастаханәләргә 21 зыян күрүче китерелгән. Моннан тыш, ашыгыч ярдәм 10 чакыруны янгын булган урыннарга үтәгән, дип хәбәр итә Казанның Ашыгыч медицина ярдәме станциясе.

Узган атна белән чагыштырганда үтәлгән чакырулар саны 100-гә кимегән (авырулар һәм бәхетсезлек очраклары исәбенә). Юл-транспорт һәлакәте буенча мөрәҗәгатьләр саны 16-га кимегән. Көчле миокард инфарктлары (2-гә), баш мие кан әйләнешенең кискен бозылулары (34-кә), бала табулар (34-кә) буенча мөрәҗәгатьләр саны арткан. Җәмәгать урыннарына чакырулар саны 215-кә кимегән.

Шулай ук укыгыз

Барлык яңалыклар