Атна эчендә Казанның ашыгыч ярдәм хезмәтенә бала табу очраклары буенча 62 чакыру килгән

Узган атнада медикларга барлыгы 7642 чакыру килгән.

(Казан шәһәре KZN.RU, 12-нче ноябрь). 4-нче ноябрьдән 11-нче ноябрьгә кадәрге атнада Казанның ашыгыч ярдәм хезмәтенә 7642 чакыру килгән, 1068 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 6169 казанлы мөрәҗәгать иткән. Аерым алганда, көчле миокард инфаркты буенча 60 очрак һәм мидәге кан әйләнеше бозылу буенча 159 очрак теркәлгән. Бала табу очраклары уңаеннан табибларга 62 чакыру килгән.

924 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 40 тапкыр чакыртылганнар, аларда 45 кеше зыян күргән, 26 кеше хастаханәгә озатылган. Янгын очракларына табиблар 15 тапкыр чакыртылган, биредә 1 кеше зыян күргән.

Узган атна белән чагыштырганда, чакырулар саны 234-кә арткан. 10-га миокард инфарктына, 2-гә юл-транспорт һәлакәтләренә чакырулар саны арткан. Кимегән: мидәге кан әйләнешенә (20-гә), бала табу очракларына (18-гә), янгыннарга (1-гә) чакырулар. Җәмәгать урыннарына чакырулар саны 128-гә кимегән, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар