Узган тәүлектә Казан урамнарыннан 2,5 мең тоннага якын кар чыгарылган

Бүген көндез Казан урамнарын 425 юл эшчесе һәм 254 махсус техника берәмлеге җыештырачак.

(Казан шәһәре KZN.RU, 18-нче март). Узган тәүлек эчендә юл хуҗалыгы хезмәтләре Казан урамнарыннан 2490 тонна кар чыгарганнар. Казан урамнарын җыештыруга 299 юл эшчесе һәм 350 махсус техника берәмлеге, шул исәптән 128 катнаш юл машинасы, 5 кар төягеч, 90 трактор щеткасы, 7 грейдер, 43 фронталь төягеч, 21 "Барсик" мини-төягече, 53 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 72 тонна бозлавыкка каршы матдә кулланылган.

Бүген көндез урамнарны кардан чистартуга 425 юл эшчесе һәм 254 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: Адоратский, Архангельск, Батурин, Болотников, Восход, Гагарин, Дементьев, Зорге, Ипподром, Карбышев, Копылов, Кремль, Кулагин, Максимов, Мариуполь, Мусин, Назарбаев, Яңа Кремль, Осиново, Павлов, Сабан, Сәет-Галиев, Сара Садыйкова, Солидарность, Тверь, Тихорецк һәм Ирек мәйданы.

Шулай ук укыгыз

Барлык яңалыклар