Узган тәүлектә Казан урамнарыннан 8,4 мең тоннадан артык кар чыгарылган

Юлларны эшкәртү өчен 578 тонна бозлавыкка каршы матдә кулланылган.

(Казан шәһәре KZN.RU, 15-нче гыйнвар). Узган тәүлек эчендә юл хуҗалыгы хезмәтләре 8416 тонна кар чыгарганнар. Казан урамнарын җыештыруга 444 юл эшчесе һәм 613 махсус техника берәмлеге, шул исәптән 143 катнаш юл машинасы, 17 кар төягеч, 119 трактор щеткасы, 25 грейдер, 69 фронталь төягеч, 53 "Барсик" мини-төягече, 170 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 578 тонна бозлавыкка каршы матдә, шул исәптән 172 тонна реагент һәм 406 тонна ком-тоз катнашмасы кулланылган.

Бүген көндез урамнарны кардан чистартуга 349 юл эшчесе һәм 294 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: 25 октябрь, Адоратский, Айдаров, Ахунов, Бассейн, Батурин, Бауман, Васильченко, Вересаев, Гагарин, Глушко, Девятаев, Зайцев, Заря, Ибраһимов, Ипподром, Галиәскар Камал, Королев, Копылов, Красиков, Краснококшайская, Кремль, Ленинград, Меридиан, Назарбаев, Островский, Павлюхин, Петербург, Сахаров, Ударная, Шамил Усманов, Сибгат Хәким, Халезов, Челюскин, шулай ук Әмәт магистрале, Мамадыш тракты, Нокса авышлыгы, Әмирхан һәм Ямашев проспекты, Ирек мәйданы.

Шулай ук укыгыз

Барлык яңалыклар