Узган тәүлектә Казан урамнарыннан 12,7 мең тонна кар чыгарылган

Бүген шәһәр урамнарын чистартуда 409 берәмлек техника һәм 542 юл эшчесе катнашачак.

Фото: Денис Гордийко

(Казан шәһәре KZN.RU, 10 нчы февраль). Бүген көндез Казан урамнарын кардан чистартырга 542 юл эшчесе һәм 409 берәмлек махсус техника, шул исәптән 60 катнаш юл машинасы, 76 трактор щеткасы, 123 үзбушаткыч, 78 фронталь төягеч, 37 «Барсик» минитөягече һәм башка техника чыкты.

Кар 2 нче Тура, Аграр, Айдаров, Батурин, Батыршин, Бауман, Беломорск, Большая Красная, Ваһапов, Гәрәев, Гарифьянов, Гвардия, Губкин, Даурия, Девятаев, Ершов, Зорге, Ипподром, Г.Камал, Карбышев, Копылов, Королев, Космонавтлар, Кремль, Коләхмәтов, Лесгафт, Миславский, Несмелов, Париж Коммунасы, Парин, Парк, Петербург, Пушкин, Сәетгалиев, Светлая, Серов, Солидарность, Татарстан, Театр, Тихомирнов, Тукай, Ульянов-Ленин, Халтурин, Чапаев, Чернышевский, Чехов, Чуйков урамнарыннан, Ибраһимов, Универсиада һәм Ямашев проспектларыннан, Ирек мәйданыннан, Мамадыш, Оренбург һәм Себер трактларыннан, Әмәт, Грабарский, Лесной Городок, Первомайский, Старые Горки поселокларыннан, «Салават Күпере» микрорайоныннан, шулай ук башка урамнарның участокларыннан чыгарылачак.

Узган тәүлектә урамнардан 12 мең 795 тонна кар чыгарылган, ә кышкы сезон башыннан бирле – 745 мең 498 тонна кар, дип хәбәр иттеләр Казан Башкарма комитетының Тышкы төзекләндерү комитетында. Юлларда тәүлек эчендә 298 тонна реагент һәм 464 тонна ком-тоз катнашмасы кулланылган.

Исегезгә төшерәбез, шәһәрдә кар чистарту буенча кайнар линияләр эшли. KZN.RU порталында басылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. ТР Экология һәм табигый байлыклар министрлыгында рөхсәтсез урыннарда кар җыю фактлары турында хәбәрләр кабул ителә.

Шулай ук укыгыз

Барлык яңалыклар