Мартның беренче ике көнендә Казанның җәмәгать транспортында битлексез 800 пассажирны ачыклаганнар

Профилактик рейдлар барышында хәрәкәтчән составның 1149 берәмлеге тикшерелде.

Фото: Денис Гордийко

(Казан шәһәре KZN.RU, 3-нче март). Мартның беренче ике көнендә Казанның җәмәгать транспортында битлексез 800 пассажир ачыкланган. Барлыгы 1-нче һәм 2-нче мартта профилактик рейдлар барышында хәрәкәт составының 1149 берәмлеге тикшерелде.

1-нче март көнне тикшерүчеләр шәхси саклану чараларыннан башка 357 пассажирны ачыклаган. 17 контроль ноктада 564 җәмәгать транспорты берәмлеге тикшерелде. 2-нче мартта рейд барышында шәхси саклану чараларыннан башка 443 пассажир ачыкланган, 18 контроль ноктада 585 җәмәгать транспорты берәмлеге тикшерелгән. Кисәтү ясаганнан соң барлык пассажирлар да битлекләрен кигән.

Февраль нәтиҗәләре буенча Казанның җәмәгать транспортында шәхси саклану чараларыннан башка 8439 пассажир ачыкланган. 342 контроль ноктада хәрәкәт составының 11692 берәмлеге тикшерелде.

Тикшерүне Казан Транспорт комитеты хезмәткәрләре, «Пассажирлар ташуны оештыручы» муниципаль казна учреждениесе контроль-ревизорлык хезмәте, транспорт предприятиеләренең контроль-ревизорлык хезмәтләре уздырган.

Профилактик рейдлар дәвам итә, дип хәбәр ителә шәһәрнең транспорт сайтында.

Шулай ук укыгыз

Барлык яңалыклар