8 ай эчендә төзекләндерү кагыйдәләрен бозучыларга 36 млн сумга якын штраф салганнар

Административ комиссияләр салган штрафларның гомуми суммасы 136 млн сумнан артык тәшкил итә.

(Казан шәһәре KZN.RU, 5-нче сентябрь). Агымдагы елның 8 ае эчендә Казанның Административ комиссияләре административ хокук бозулар турында 48 мең 331 карар чыгарган. Хокук бозучыларга 136 млн 364 мең 900 сумлык штраф салынган.

ТР Административ хокук бозулар турындагы кодексның 3.16 маддәсе “Транспорт чараларын түләүле муниципаль парковкада (парковка урыннарында) калдырган өчен түләмәү” буенча иң күп карар чыгарылган – 20 мең 903, салынган штрафларның суммасы 50 млн 297 мең 500 сум тәшкил итә.

“Шәһәр җирлекләре һәм округлары территорияләрен төзекләндерү муниципаль кагыйдәләрен бозу” (3.6 маддә) өчен 4 мең 57 карар чыгарылган һәм 35 млн 952 мең 800 сумга штраф салынган.

5 мең 365 карар 3.2 маддә “Урамда сәүдә итүне оештыру тәртибен бозу” очен чыгарылган, штрафлар суммасы 10 млн 698 мең 500 сум тәшкил итә. Тышкы мәгълүмат чараларын урнаштыру тәртипләрен бозган өчен (3.5 маддә) 2 млн 883 мең сумга 3 мең 163 карар чыгарылган.

ТР Административ хокук бозулар турындагы кодексның 2.6 номерлы “Җирле үзидарә органнарының муниципаль хокукый актларын үтәмәү” маддәсе буенча 528 карар чыгарылган. Салынган штрафларның суммасы 5 млн 50 мең 800 сум тәшкил итә.

Шулай ук укыгыз

Барлык яңалыклар