10 ел эчендә Казанда яшәүчеләр саны 113,9 мең кешегә арткан

Ел саен планетада яшәүчеләр саны арта - 2020 елда ул 7,5 млрд кешедән артып киткән.

(Казан шәһәре KZN.RU, 13-нче июль). 11-нче июльдә бөтен дөньяда Халыклар көне билгеләп үтелә. Ул Берләшкән Милләтләр Оешмасын үстерү программасының Идарәче советы тәкъдиме буенча билгеләп үтелә. 1987 елның 11-нче июлендә Җир халкының саны 5 млрд кешедән артып киткән. Ел саен планетада яшәүчеләр саны арта - 2020 елда ул 7,5 млрд кешедән артып киткән.

Халыкның үсеш тенденциясе Татарстан Республикасында да, аның башкаласында да күзәтелә. 2020 ел башына Татарстан Республикасы халкының саны 3,9 млн. кеше тәшкил иткән. 2010 елгы халык санын алу мәгълүматлары белән чагыштырганда, республикада яшәүчеләр саны 116,4 мең кешегә арткан. Казанда 2020 елның 1-нче гыйнварына яшәүчеләр саны 1257,4 мең кеше тәшкил иткән. 10 ел эчендә халык саны 113,9 меңгә арткан (2010 елгы халык санын алу мәгълүматлары буенча, Казанда 1143,5 мең кеше яшәгән), дип хәбәр итә Казан шәһәрендәге Дәүләт статистикасы бүлеге.

Россия халкының саны һәм структурасы турында актуаль мәгълүматлар Бөтенроссия халык санын алуны уздырганнан соң алыначак. Исегезгә төшерәбез, аны уздыру сроклары 2021 елның апреленә күчерелде.

Алдагы халык санын алу ил тарихында уникенче булачак һәм яңа - цифрлы форматта узачак. Россия халкы тарафыннан РФ Дәүләт хезмәтләре порталында электрон исәп алу кәгазен мөстәкыйль тутыру мөмкинлеге алдагы исәпкә алуның төп яңалыгы булачак, дип искә төшерәләр Татарстанстатта. Торак йортларны карап йөргәндә, исәпкә алучылар махсус программалы планшетлар кулланачак. Шулай ук исәпкә алу участокларында, шул исәптән «Минем документлар» дәүләт һәм муниципаль хезмәтләр күрсәтү буенча күпфункцияле үзәкләр биналарында да халык санын алырга мөмкин булачак.

Шуны да искәртик: Халыклар күченүе көне быел 32-нче тапкыр билгеләп үтелә.

Шулай ук укыгыз

Барлык яңалыклар