Яшь казанлылар «Ак канат» бөтенроссия хәйрия иҗат фестивалендә катнаша ала

Гаризалар 20-нче июньдә кабул ителә башлый.

(Казан шәһәре KZN.RU, 2-нче июнь). Яшь казанлылар «Ак канат» бөтенроссия хәйрия иҗат балалар фестивалендә катнаша ала. Аңа 3 яшьтән 19 яшькә кадәрге ятим балалар һәм ата-ана тәрбиясеннән мәхрүм калган балалар кушыла ала. Гаризалар 20-нче июньдә кабул ителә башлый.

Фестиваль «Актерлык осталыгы», «Шигырь язу», «Нәфис сәнгать», «Фотосәнгать» юнәлешләре буенча узачак. Әлеге номинацияләрдә Мәскәү, Владивосток, Казан, Симферополь, Иркутск, Чиләбе, Кемерово, Красноярск һәм Санкт-Петербург яшьләре катнашачак. Чара турында тулы мәгълүматны нигезләмәдә табарга була.

Фестивальнең беренче этабы онлайн-форматта үтәр дип көтелә. 20-нче июньнән 1-нче сентябрьгә кадәр катнашучыларга сайтта анкеталар тутырырга һәм тиешле номинацияләр категориясендә фото- һәм видеоматериалларны йөкләргә кирәк булачак.

Икенче этап кысаларында, 1-нче сентябрьдән башлап, оештыручылар халык тавыш бирүенә йомгак ясаячак һәм аның нигезендә максималь күләмдә тавыш җыйган катнашучыларны сайлаячак.

Өченче этапта, 3-нче сентябрьдән 25-нче октябрьгә кадәр, оештыручылар командасы шәһәргә кастинглар уздыру өчен барачак.

«Ак канат» проектының ярымфиналын һәм финалын 18-нче октябрьдә Санкт-Петербургта үткәрү планлаштырыла, ә 20-нче октябрьдә биредә җиңүчеләрне бүләкләү тантанасы узачак. Жюри һәр номинациядә өч призлы урынга ия булучыларның исемнәрен атаячак. Җиңүчеләрне дипломнар һәм кыйммәтле бүләкләр белән бүләкләячәкләр. Ул гына да түгел, призлы урыннарны алган талантлы яшьләргә Россиянең алдынгы югары уку йортларына укырга керү өчен махсус шартлар биреләчәк.

Соңрак, 2021 елның 1-нче апрелендә, Мәскәүдә гала-кичке аш оештырылачак, анда «Ак канат» фестивале җиңүчеләре медиа персоналы белән бергә спектакльдә катнашачак. Чарада шулай ук арт- һәм фотокүргәзмәләр җиңүчеләренең «Минем күзләр белән дөнья» аукционы узачак.

Фестивальне оештыручылар «Мәдәният - тормыш өчен» халыкара һәм мәдәни-эшлекле хезмәттәшлек үзәге президенты исеменнән «Кеше потенциалын гамәлгә ашыруда ярдәм» автоном коммерцияле булмаган оешма ярдәме белән «Талантлы кешеләр» мәдәният һәм сәнгать өлкәсендәге автоном коммерцияле булмаган оешма.

Шулай ук укыгыз

Барлык яңалыклар