Юлианна Караулова: "Без "Игелекле дулкынның" брендка әйләнүнең шаһитлары"

Россия җырчысы, фестиваль илчесе ышануынча: мондый чаралар талантларны берләштерә, яңа танышулар яңа иҗади проектларга күчә ала.

(Казан шәһәре KZN.RU, 30-нчы ноябрь, Алсу Сафина). "Игелекле дулкын" фестивале яшь булуына карамастан, брендка әверелә, дип саный Россия җырчысы, фестиваль илчесе Юлия Караулова. "Игелекле дулкын" гала-концерты башланыр алдыннан ул Россия эстрадасының башка йолдызлары – Валерия һәм Филипп Киркоров белән бергә матбугат конференциясендә катнашты һәм фестивальдән алган тәэсирләре белән уртаклашты.

"Без Игорь Яковлевич белән (Крутой – ред.иск.) "Ты супер!" проектныда жюртда утырган идек, мин дә аның текә генә түгел, бик игелекле дә булуын күрдем. Проект вакытында ул могҗизалар иҗат итте һәм аларны хәзер иҗат итүен дәвам итә, - дип сөйләде Юлианна Караулова. - Минемчә, "Яңа дулкын" таныштыруга мохтаҗ түгел, бу көчле бренд. "Игелекле дулкын" фестиваленә нибары ике ел гына булса да, без аның брендка әверелүенә шаһит булабыз. Игорь Яковлевич тотынган бөтен нәрсә дә шәп".

Җырчы аның өчен фестиваль илчесе булу зур дәрәҗә, дип белдерде. "Мондый чаралар - бик күп кешеләрне, балаларны, мөһим һәм кирәкле, яралыларны, талантлы балаларны - төрле кешеләрне берләштерү, - дип билгеләп үтте Ю.Караулова. - Аларның бер-берсе белән аралашу мөмкинлеге булуы, хәйрия культурасы үсеш алуы бик шәп, бу фестивальдә алар аралашачак, иҗатташ дуслар табачак һәм, бәлки, бу аралашу һәм дуслыкның киләчәктә танылган иҗади проектларына әйләнүе бик шәп булачак. Шулай булачагына ышанам".

Исегезгә төшерәбез, "Игелекле дулкын" фестивале 2017 елда Илсур Метшин һәм композитор Игорь Крутой инициативасы белән оештырылган иде. Ул, физик сәламәтлекләре чикләнүгә карамастан, барлык балаларның уртак иҗаты өчен дә мәйданчык булып тора. Бер сәхнәдә балалар йортларында тәрбияләнүчеләр, ата-ана каравыннан мәхрүм калган балалар, күп балалы һәм аз керемле гаиләләрдә тәрбияләнүче балалар, мөмкинлекләре чикләнгән балалар һәм башкалар үзләренең иҗади сәләтләрен күрсәтә. "Игелекле дулкын" фестивале Казан шәһәре Мэриясе һәм Игорь Крутойның Популяр музыка академиясе тарафыннан ТР Хөкүмәте һәм Президент грантлары фонды ярдәмендә үткәрелә.