Казан мәктәпләрен һәм колледжларын тәмамлаучыларга киләчәктә һөнәр сайларга ярдәм итәчәкләр

Күргәзмәдә Россиянең һәм башка илләрнең 30 дан артык әйдәп баручы югары уку йортының белем бирү программалары турында сөйләячәкләр

Фото: Денис Гордийко

(Казан шәһәре KZN.RU, 9 нчы октябрь). Казанда 12-14 нче октябрьдә ел саен үткәрелә торган «Мәгариф. Карьера» махсуслаштырылган күргәзмәсе узачак. Мәктәпләрне, колледжларны тәмамлаучылар һәм аларның әти-әниләре Россиянең һәм башка илләрнең 30 дан артык әйдәп баручы югары уку йортларының белем бирү программалары турында белә алачак.

Уку йортлары һәм белем бирү технологияләре күргәзмәсендә балаларга киләчәктә белгечлек сайларга ярдәм итәчәкләр, аларга БДИга әзерлек курслары һәм башка мәсьәләләр буенча консультацияләр бирәчәкләр.

Чара Оренбург тракты, 5/4 адресы буенча узачак. Күргәзмәнең рәсми ачылышы 12 нче октябрьдә 11:00 сәгатьтә була. Чыгарылыш укучылары өчен ул ике көн дәвамында, 12 нче һәм 13 нче октябрьдә 10:00 дән 18:00 гә кадәр узачак. Ата-аналар көне 14 нче октябрьдә 15:00 сәгатькә кадәр узачак.

Сылтама буенча чара программасы турында белергә һәм аңа теркәлергә мөмкин.

Күргәзмә ТР Мәгариф һәм фән министрлыгы һәм Казан Мәгариф идарәсе ярдәме белән үткәрелә.

Шулай ук укыгыз

Барлык яңалыклар