Казанда Бөтенроссия китапханәләр көне: буккроссинг, иң яхшы китап сайланмалары һәм алман киносы

27-нче май көнне ТР Милли китапханәсенә килүчеләр өчен махсус программа оештырылган.

Фото: Денис Гордийко

(Казан шәһәре KZN.RU, 27-нче май). 27-нче майда, Бөтенроссия китапханәләр көнендә, Татарстанның Милли китапханәсе килүчеләр өчен махсус программа оештыра. Мәсәлән, китапханә холлында китапларга буккроссинг стеллажлары урнаштырылган, аларны кире кайтармаска мөмкин, әмма алмашка өйдән теләсә нинди китапны алып килергә кирәк.

Универсаль залда «Китапханәче лайкы» дигән китап күргәзмәсе уза. Аны әзерләү өчен китапханә хезмәткәрләреннән иң яхшы китаплар сайлау буенча 100-гә якын тәкъдим җыелган иде. Икенче каттагы уку залында Казанның һәм Татарстанның танылган кешеләре укырга тәкъдим ителгән китаплар күргәзмәсе оештырылган, дип хәбәр итә оештыручылар.

18:00 сәгатьтә конференц-залда рус субтитрлары белән «Артык ерак» фильмы күрсәтеләчәк – яшүсмер малай, яңа мәктәп һәм дуслык, хәзерге Алман җәмгыятендә актуаль проблемалар турында гаилә тасмасы. Фильмнан соң Германия спикерлары белән онлайн-дискуссия узачак. Кинокүрсәтү Россиядә Германия елы кысаларында оештырыла. Сеанска керү – 100 сум ( түләү ресепшнда). Сылтама буенча алдан теркәлү узарга кирәк.

Шулай ук укыгыз

Барлык яңалыклар