Бөтендөнья сәламәтлек көне Казанда берничә мәйданчыкта узачак

Шәһәр халкы «Сәламәт бул! FEST» фестивалендә һәм «Шаги долголетия» флешмобында катнаша алачак.

Фото: Денис Гордийко

(Казан шәһәре KZN.RU, 6-нчы апрель). 7-нче апрельдә Казанда берничә мәйданчыкта Бөтендөнья сәламәтлек көне кысаларында чаралар узачак. Шәһәрлеләрне спорт уеннары, интерактив, мастер-класслар һәм квестлар көтә, аларның максаты – сәламәт яшәү рәвешен пропагандалау.

Әйтик, 10.00 сәгатьтә Бутлеров урамы, 49 адресы буенча Казан дәүләт медицина университеты мәйданчыгында «Сәламәт бул! FEST» фестивале ачылачак, анда белгечләр сәламәт яшәү рәвешенең төп принциплары турында сөйләячәк. 11.00 сәгатьтә Сәламәтлек академиясеннән зарядка башланачак, ә 11.30 сәгатьтән 13.30 сәгатькә кадәр казанлылар энергия нокталарында актив катнаша алачак.

Моннан тыш, 11.00 сәгатьтә Кабан күле буенда Ш.Мәрҗани урамындагы 26-нчы номерлы йорт янында 7-нче номерлы шәһәр поликлиникасы, КДМУ, Иҗтимагый сәламәтлек һәм медицина профилактикасы үзәге оештырган «Шаги долголетия» флешмобы старт ала. Казанлылар КДМУ профессорлары лекцияләрен тыңлый, организмны инструменталь тикшерүләр уза һәм дәвалау физкультурасы элементлары белән бию зарядкасында катнаша алачак, дип хәбәр итә ТР Сәламәтлек саклау министрлыгы матбугат хезмәте.

Шулай ук укыгыз

Барлык яңалыклар