Бөтендөнья яман шеш авыруларына каршы көрәш көне: Казанда яман шешләргә диагнозны кайда куялар?

Бөтендөнья яман шеш авыруларына каршы көрәш көне: Казанда яман шешләргә диагнозны кайда куялар?

<p> </p> <div class="detail-picture"> <img src="https://kzn.ru/upload/iblock/9c5/MMB_4754-870.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 4 нче февраль). 4 нче февраль – Бөтендөнья яман шеш авыруларына каршы көрәш көне. Татарстанның Сәламәтлек саклау министрлыгы яман шешләрне диагностикалауда зур уңышларга иреште. Республикада авыруларның башлангыч стадиясендә ачыкланган өлеше 10 ел эчендә 54,1% тан 61,1% ка кадәр арткан. Кайсы очракларда кичекмәстән табибка мөрәҗәгать итәргә кирәк һәм коронавирус пандемиясе чорында диспансерлаштыру ничек оештырылган – бу һәм башка сорауларга җавапларны ТР Сәламәтлек саклау министрлыгы белешмәлегендә укыгыз. <p> </p> <h3> Үз сәламәтлегеңне белү өчен, медицина тикшеренүләрен ничек еш узарга кирәк? </h3> <p> Яман шеш – күзәнәкләрнең яман трансформация нигезендә бер төркемгә берләшкән төрле органнар һәм тукымаларның 100 дән артык авыруы. Шуңа бәйле рәвештә авыруның бер үк симптомнары юк. Һәр конкрет очракта төрле симптомнар булырга мөмкин, ә 30-35% очракта авыру симптомсыз уза. Шуңа да яман шешне иртә стадиядә ачыклау мөмкин булган анализлар һәм тикшеренүләрнең бердәм исемлеге юк. Яман шешнең кайбер төрләре буенча скрининг технологияләре исемлеге бар, алар аны иртә стадияләрдә ачыкларга мөмкинлек бирә. Бу туры эчәклекнең, тире, сөт бизе, аналык җиңсәсе һәм мәни бизе яман шешен диагностикалаганда гына мөмкин. Яман шешнең бу төрләре барлык яман шеш авыруларының яртысын диярлек тәшкил итә. Диспансерлаштыру кысаларында пациентлар яман шешнең санап үтелгән төрләренә тикшеренүләр узарга тиеш. Тикшеренүләрнең даими, ягъни 2 елга бер тапкыр булуы зарур. Бу очракта авыруларның якынча 75-80% ы беренче-икенче стадияләрдә яки, гомумән, ракка җитү стадиясендә үк ачыкланачак. Диспансерлаштыру яшь буенча яшәү урыны поликлиникаларында үткәрелә. Шул ук вакытта үз сәламәтлекләрен даими кайгыртып торган тикшеренүләрне киңрәк формада да уза ала.<br> </p> <h3> Кайсы очракларда кичекмәстән табибка мөрәҗәгать итәргә кирәк? </h3> <p> Кичекмәстән табибка мөрәҗәгать итүне таләп итә торган билгеләр бар: </p> <p> * диспансерлаштыруның беренче этабыннан соң ачыкланган тайпылышлар булу; </p> <p> * үсә, борчый, төсен, контурын алыштыра башлаган теләсә нинди шешләр. Шулай ук озак төзәлми торган эрозия һәм тиредәге җәрәхәтләр булырга мөмкин; </p> <p> * авыз куышлыгы лайласындагы, ютәл вакытындагы, букта яки сидектәге кан; </p> <p> * туклануга бәйсез рәвештә озакка сузылган эч кибү яки эч китүләр, букның формасы үзгәрү; </p> <p> * дәвалау фонында берничә атна дәвамында теләсә кайсы симптомның (шул исәптән авырту белән) бетмәве. </p> <h3> Шикле симптомнар табылганда кая мөрәҗәгать итәргә кирәк? </h3> <p> Беренче чиратта, яшәү урыны буенча участок терапевтына мөрәҗәгать итәргә кирәк, ул тикшерүләр билгеләп, беренчел онкология кабинетына җибәрәчәк. </p> <h3> Казанның кайсы медицина оешмаларында онкология авыруларын дәвалыйлар? Яман шешнең аерым бер төрләрен дәвалау өчен махсуслаштырылган хастаханәләр бармы? </h3> <p> Яман шеш барлыкка килгән вакытта махсуслаштырылган ярдәмнең бөтен спектрын профессор М.Сигал исемендәге Республика клиник онкология диспансеры күрсәтә. Учреждениедә хирургия, химиотерапевтик һәм радиологик дәвалау үткәрелә. </p> <p> Яман шешнең аерым нозологияләре бар, алар буенча пациентлар Республика клиник хастаханәсе, Төбәкара клиник-диасностика үзәге, Республика клиник офтальмология хастаханәсе, шулай ук 16 нчы номерлы шәһәр хастаханәсендә онкология профиле буенча ярдәм алалар. Бу нейронкологиягә, офтальмонкологиягә һәм онкогематологиягә кагыла. Теләсә кайсы очракта пациентлар, диспансерда дәвалау тактикасын сайлар өчен, башта консультация узарга тиешләр. </p> <h3> Коронавирус пандемиясе чорында онкопациентларны диспансерлаштыруның үзенчәлекләре нинди? </h3> <p> Пандемия чорында онкодиспансер тәнәфессез эшләвен һәм тулы медицина ярдәмен күрсәтүне дәвам итә. 2020-2021 елларда диспансерлаштыру вакытлыча чикләнгән иде, ләкин аның яңадан торгызылуы чорында күпчелек пациентлар үз сырхауханәләрендә һәм онкодиспансерында хезмәтләр алдылар, бу яңа ачыкланган авырулар буенча статистикада уңай чагылыш тапты. </p> <h3> <p> Авыру ачыкланган очракта кая мөрәҗәгать итәргә? </p> </h3> <p> Онкодиспансерга язылу өчен, 40 яшьтән өлкәнрәк хатын-кызлар өчен маммографик тикшеренүләргә, шулай ук түләүле хезмәтләргә 8:00 дән 16:30 га кадәр +7(843)202-32-02 телефоны аша мөрәҗәгать итәргә мөмкин. </p> <p> Казанның паллиатив хезмәте тәүлек буе эшли: +7(843) 272-72-82. </p> <p> Авыз куышлыгында шеш барлыкка килүгә шикләнгән очракта кабул итүгә +7(843)233-82-74 телефоны буенча язылырга була. </p> <p> Шулай ук онкодиспансерда тернәкләндерү бүлеге бар, анда профессиональ реабилитологлар һәм психологлар эшли. Алдан язылу өчен +7(843)233-82-84 телефонына шалтыратырга була. Instagram челтәрендәге аккаунтлары: oncort_rehab. </p> <p> Исегезгә төшерәбез, Бөтендөнья яман шеш авыруларына каршы көрәш көне, онкология авыруларының глобаль проблемасына дөнья җәмәгатьчелегенең игътибарын җәлеп итү максаты белән, Халыкара яман шешне контрольдә тоту берлеге тарафыннан 2006 елда гамәлгә куелды. </p>

2022-02-04T16:31:16+0300