Казанда Шәһәр көнендә беренче тапкыр уникаль пиротехник шоу уздырыла

Музыкаль фейерверкны карауның иң яхшы нокталары Кремль һәм «Казан» гаилә үзәге яр буйлары булачак.

Фото: Денис Гордийко

(Казан шәһәре KZN.RU, 23-нче август, Ксения Швецова). 30-нчы августта, Татарстан Республикасы көнен һәм Казан шәһәре көнен бәйрәм иткән көнне, халык һәм кунаклар уникаль пиротехник шоу күрә алачак – бәйрәмчә фейерверк залплары музыкаль озату астында шартлаячак. Бу хакта бүген Башкарма комитетта эшлекле дүшәмбедә Мәдәният идарәсе башлыгы Азат Абзалов сөйләде.

Пиротехник шоу Казансу акваториясе өстендә 22:00 сәгатьтә башлана. Шәһәр халкы музыкаль аккомпанементны «Болгар радиосы» радиостанциясенә кушылып (91,5 FM ешлыгы) ишетә алачак.

«Пиромузыкаль тамашаны шулай ук «Казан» гаилә үзәге янында һәм Игенчеләр сарае янында урнашкан сәхнә комплекслары трансляцияләнәчәк, – дип сөйләде А.Абзалов. – Моннан тыш, без хәзер мөкинчелек булган Кремль яр буеның яңа участокларында музыка яңгырасын өчен җиһазлар әзерлибез. Бу казанлыларга музыкаль атмосферага мөмкин кадәр күбрәк чумарга мөмкинлек бирәчәк».

Музыкаль фейерверкны карауның иң яхшы нокталары Кремль һәм «Казан» гаилә үзәге яр буйлары булачак.