Сигез команда Казанда хоккей буенча «Фиджитал уеннар»да җиңү өчен көрәшәчәк

Халыкара хоккей турниры «Зилант» боз сараенда уза

Фото: vk.com/gamesofuture

(Казан шәһәре KZN.RU, 8 нче июнь). Казанда «Фиджитал уеннар»ның халыкара хоккей турниры башланачак. 9 нчы июньгә кадәр дәвам итәчәк ярышларда сигез команда катнашачак.

Ярышлар ике этапта «Зилант» боз сараенда узачак. Башта катнашучылар хоккей симуляторларында үз осталыкларын күрсәтәчәкләр, ә аннары бозга 3х3 форматында чыгачаклар.

«Ак Барс» командасын тәҗрибәле хоккейчылар – Булат Байкеев, Евгений Ярославлев, Александр Любчич һәм Игорь Бардин тәкъдим итәчәк. Stars of Israel командасында Череповецкиның «Северстали» уенчылары Сергей Магарилов һәм Евгений Монс, шулай ук Бөтенроссия хоккей лигасында уңышлы уйнаган Андрей Ряшенцев һәм Игорь Угольников булачак.

Dderdog командасы составына «Ак Барс» тәрбияләнүчесе Артур Бровкин һәм Санкт-Петербургтан СКА мәктәбен тәмамлаучылар Илья Алтыбармакян, Андрей Галушкин һәм Иван Манин кергән. Hockey Select Team Belgrade командасы Сербиянең беренче һәм яшьләр җыелма командалары уенчыларыннан тора, ә Humo командасы тренер Евгений Попихин җитәкчелегендә фиджитал-хоккейчыларны берләштерә.

Турнирда шулай ук 3frenzy һәм Hockey Brothers командаларыннан популяр хоккей блогерлары, Liga Pro катнашучылары, хоккей симуляторлары буенча дәрәҗәле турнирларда катнашучылар катнашачак.

«Фиджитал уеннар»га керү ирекле. Билетны сылтама буенча броньларга була, дип хәбәр итә ТР Спорт министрлыгының матбугат хезмәте.

Исегезгә төшерәбез, «Фиджитал уеннар» ТР башкаласында 2024 елда шәһәрдә узачак «Киләчәк уеннар» турниры алдыннан тест чаралары буларак үткәрелә. Барлыгы 5000 нән артык катнашучы көтелә. Бөтен дөнья буенча киберярышларның онлайн-тамашачылары 150 миллионга якын кеше булачак дип фаразлана.

Шулай ук укыгыз

Барлык яңалыклар