Казан волонтерлары тәүлегенә 145 өлкән кешегә ярдәм күрсәткән

Шәһәр штабы эшли башлаганнан бирле волонтерлар өлкәннәрнең үтенечләре буенча 1752 тапкыр чыккан.

(Казан шәһәре KZN.RU, 9-нчы апрель). Бүген коронавирус инфекциясе таралуга каршы тору штабының чираттагы утырышын видеоконференцэлемтә буенча Казан Башкарма комитеты җитәкчесе Денис Калинкин уздырды.

ТР Сәламәтлек саклау министры урынбасары - ТР Сәламәтлек саклау министрлыгының Казан буенча Сәламәтлек саклау идарәсе башлыгы Владимир Жаворонков COVID-19 вәзгыяте турындагы оператив мәгълүматны җиткерде. Моннан тыш, штабта катнашучылар республиканың башка районнарыннан медицина персоналы өчен шаттллар эше, шулай ук табибларның төрле шифаханәләрдә, тулай торакларда яки кунакханәләрдә яшәве турында фикер алыштылар - өстәмә медицина персоналы санитар-эпидемиологик вәзгыять начарланган очракта кирәк булачак. Яшәү урыннары алдан ук һәм эш урынына максималь якын булган җирдән чыгып билгеләнә.

РФ Эчке эшләр министрлыгының Казан буенча идарәсе башлыгы Александр Мищихин шәһәр территориясендә хокук тәртибен тәэмин итү буенча алып барылган эшләр белән бүлеште.

Башкарма комитет җитәкчесе урынбасары Рөстәм Гафаров хәбәр иткәнчә, бүген шәһәрнең барлык районнарында 26 балалар бакчасында кизү төркемнәренә 507 бала йөри - кичәгегә караганда 23 балага күбрәк. Моннан тыш, ул дистанцион укуга өстәмә белем бирү учреждениеләре керешергә әзерләнүен әйтте.

Көн нәтиҗәләре буенча шәһәрнең волонтерлар штабына дарулар һәм азык-төлек китерүдә ярдәм сорап 148 өлкән яшьтәге казанлы мөрәҗәгать иткән, 145 ярдәм алган. Шәһәр штабы эшли башлаганнан бирле волонтерлар өлкәннәрнең үтенечләре буенча 1752 тапкыр чыккан.

Башкарма комитет җитәкчесе урынбасары Илдар Шакиров пассажирлар агымының иртәнге сәгатьләрдә - 5%-ка, 162 мең пассажирга кадәр артуы турында хәбәр итте (пассажирлар агымы үзизоляция режимы кертелгәнчегә кадәр тәүлегенә 808 мең пассажир тәшкил иткән). Шуңа бәйле рәвештә, бүген иртән җәмәгать транспорты маршрутларына чыккан автобуслар санын 5%-ка арттырырга дигән карар кабул ителде. Шул ук вакытта линиядә эшләүче автобуслар саны гадәти күрсәткечнең 40%-ын тәшкил итә, ә пассажирлар агымы - нибары 20%. Шул рәвешле автобусларның тулылыгы иртән һәм кичен кайбер вакытларда 70-80%-ка җитәргә мөмкин, ә көндез тагы 5%-ка кадәр төшә.

Шулай ук укыгыз

Барлык яңалыклар