2018 Дөнья чемпионаты волонтерлары Казанда эш нигезләренә өйрәнә

«Россия-2018» оештыру комитеты автономияле коммерцияле булмаган оешма һәм «Городские волонтеры» программалары катнашучылары беренче модуль укуларын уза.

(Казан шәһәре KZN.RU, 13-нче апрель). Идел буе физик культура, спорт һәм туризм академиясе нигезендә Казанда 2018 елда футбол буенча дөнья чемпионаты волонтерлары өчен укулар башланды. Өч көн дәвамында махсус әзерләнгән тренерлар командасы 12-нче апрельдән 14-нче апрельгә кадәр волонтерларга җанатарлар белән ничек итеп эшләргә һәм ярышларны оештыру комитетындагы эш нигезләре турында сөйлиячәк.

Әлеге укуларга ике программа ( «Россия-2018» оештыру комитеты автономияле коммерцияле булмаган оешма һәм «Городские волонтеры») буенча сайлап алуны узган волонтерлар гына алына. Беренчеләре - чемпионатның барлык оештыру процессларының турыдан-туры катнашучылары булырга тиеш, ә икенчеләре – “Казан Арена” стадионыда, хастаханәләрдә, транспорт юлларында, информацион станцияләрдә һәм FIFA җанатарлары фестивалендә кунакларны каршы алучылар һәм аларга ярдәм күрсәтүчеләр булырга тиеш. «Россия-2018» оештыру комитеты автономияле коммерцияле булмаган оешмасының волонтерлар сайлау этабы тәмамланып килә, командага 1342 кеше керде. Шәһәребезнең волонтерлары исемнәре әле тулысынча билегеле түгел, чөнки сайлап алу этабы 15-нче майда гына тәмамланачак. Әлеге позициягә 3 меңнән артык гариза тапшырылган, шулар арасында бары тик 1 мең кеше генә волонтер булачак.

Беренче белем бирү модуленә FIFA, футбол буенча дөнья чемпионатлары, спорт объектлары, FIFA-ның клиент төркемнәре, волонтерларның бурычлары турында гомуми мәгълүмат кертелгән. Волонтерлар өчен мәдәниятара багланышлар күнекмәләрен формалаштыру тренинглары, шулай ук иминлекне тәэмин итү, инвалид кешеләр белән аралашу үзенчәлекләре кебек темаларга багышланган дәресләр уздырыла, дип хәбәр итә “Спорт һәм социаль проектлар дирекциясе”автономияле коммерцияле булмаган оешманың медиа департаменты.

Шулай ук укыгыз

Барлык яңалыклар