«Төнге Казан» йөгереше вакытында Татарстан Республикасы башкаласында транспорт хәрәкәтен чикләячәкләр

Җиңел атлетика ярышлары 27 нче июльнең 18:00 дән 28 нче июльнең 1:30 сәгатькә кадәр узачак

Шәһәр башкарма комитеты карары нигезендә, «Төнге Казан — 2024» җиңел атлетика йөгереше үткәрелү сәбәпле, ТР башкаласында кайбер участокларда транспорт хәрәкәтен чикләячәкләр.

Әйтик, 27 нче июльнең 23:30 дан 28 нче июльнең 00:40 сәгатенә кадәр Кремль дамбасында Батурин урамыннан Декабристлар урамына кадәр хәрәкәтне тулысынча ябачаклар.

27 нче июльнең 23:30 дан 28 нче июльнең 00:40 сәгатенә кадәр Декабристлар урамында Кремль дамбасыннан С.Хәким урамына кадәр ике юнәлештә хәрәкәтне тулысынча туктатып торачаклар.

27 нче июльнең 23:30 дан 28 нче июльнең 01:00 сәгатькә тиклем Кремль дамбасында Декабристлар урамыннан Кремль яр буена кадәр хәрәкәтне тулысынча туктатып торачаклар.

27 нче июльнең 23:00 тән 28 нче июльнең 01:30 сәгатькә кадәр Кремль яр буенда Батурин урамыннан Саид-Галиев урамына кадәр ике юнәлеш тә ябылачак.

27 нче июльнең 23:00 тән 28 нче июльнең 01:30 сәгатькә тиклем Батурин урамында Федосеевский урамыннан Кремль яр буена кадәр ике юнәлештә хәрәкәт туктатылачак.

27 июльнең 23:00 тән 28 нче июльнең 01:30 сәгатькә кадәр Ташаяк урамыннан Кремль дамбасына кадәр автомобиль юлы буйлап ике юнәлештә хәрәкәт чикләнәчәк.

Шулай ук укыгыз

Барлык яңалыклар