Казан Кремленең Гавами урыннары ишегалдында Fauzia, Tamara NOVA һәм JIVE джаз төркеме чыгыш ясаячак

Концерт иске Яңа ел алдыннан узачак.

Фото: Денис Гордийко

(Казан шәһәре KZN.RU, 11 нче гыйнвар). Казан Кремленең Гавами урыннары ишегалдында иске Яңа ел алдыннан концерт булачак. Халык алдында Fauzia, Tamara NOVA һәм JIVE джаз төркеме чыгыш ясаячак, дип хәбәр итә оештыручылар.

Ике сәгать дәвамында артистлар үзләренең трекларын һәм танылган Яңа ел җырларына каверларны башкарачаклар. Тамашачылар «Яңалыклар», «А снег идет», «Если в сердце живет любовь», «Джулия», «Луч солнца золотого» композицияләрен һәм башка хитларны ишетә алачак.

Бәйрәмдә казанлылар ТР шәһәрләрен үстерү институтыннан бүләк бокслары ала алачак. Конкурста җиңүчеләрне алып баручы билгеләячәк.

Концерт 13 нче гыйнварда 19:00 сәгатьтән 21:00 сәгатькә кадәр Консистор манарасы янындагы мәйданда узачак. Керү ирекле.

Исегезгә төшерәбез, Казан Кремленең Гавами урыннары ишегалдында яңа ел чаралары сериясе гыйнвар уртасына кадәр дәвам итәчәк. Киләсе вакыйгалар программасын сылтама буенча карарга мөмкин.

Гавами урыннар ишегалды шәһәрнең яңа иҗтимагый мәйданы буларак кунаклар өчен 20 нче декабрьдә ачылды. Территория өчен архитекторлар туристларны – Татарстан, ә шәһәрлеләрне яңа иҗтимагый киңлек белән таныштыру өчен махсус бизәү концепциясен эшләделәр. Ишегалдында урнаштырылган 17 метрлы чыршы бизәлешендә татар орнаментлары һәм традицион милли бизәк формалары кулланылган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар