Яңа ел бәйрәмнәрендә шәһәр яны поездларының сыйдырышлылыгы арттырылачак

Казанны Ижау, Түбән Новгород һәм Сосновка белән тоташтыручы электричкаларга өстәмә вагоннар өстәячәкләр

Яңа ел бәйрәмнәре чорында кайбер көннәрдә Казан – Ижау – Казан; Казан – Түбән Новгород – Казан; Казан – Сосновка – Казан поездлары составы арттырылачак.

«Содружество» ППК матбугат хезмәтендә ачыклык кертүләренчә, электричкалар гамәлдәге график нигезендә ял көннәрен күчерүне исәпкә алмыйча йөриячәк.

Элегрәк хәбәр ителгәнчә, 2025 елның 1 гыйнварыннан Казан – Кукмара һәм Кукмара – Казан, Казан – Арча һәм Арча – Казан составлары көн саен йөриячәк. Казан – Йошкар-Ола – Казан маршрутында өстәмә поездлар җомга, шимбә һәм якшәмбе көннәрендә 2025 елның 3 гыйнварыннан билгеләнә.

Җәдвал, инфраструктураның теге яисә бу маршрутларына һәм техник мөмкинлекләренә ихтыяҗны исәпкә алып, алга таба төзәтелергә мөмкин.

Тулырак мәгълүматны «РЖД Пассажирам» («Пассажирларга Россия тимер юллары») мобиль кушымтасында, сайтта, касса янындагы мәгълүмат такталарында һәм тукталыш пунктларында, шулай ук +7(937)625-04-33 телефоны аша алырга мөмкин (шалтыратулар тәүлек буе кабул ителә).

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар