Владимир Путин Федераль Җыенга еллык юллама белән чыгыш ясаячак

Чарада Татарстан Республикасы Президенты Рөстәм Миңнеханов һәм Казан Мэры Илсур Метшин катнашачак.

(Казан шәһәре KZN.RU, 20-нче февраль). Россия Президенты Владимир Путин бүген Федераль Җыенга еллык юллама белән чыгыш ясаячак. Ул Гостиный дворда узачак.

Чакырылган кунаклар арасында Федерация Советы әгъзалары, Дәүләт Думасы депутатлары, Хөкүмәт әгъзалары, Конституция, Югары һәм Арбитраж судлар җитәкчеләре, губернаторлар корпусы, Федерация субъектларының закон чыгару җыеннары рәисләре, традицион конфессияләр башлыклары, җәмәгать эшлеклеләре, шул исәптән төбәкләрнең иҗтимагый палаталары башлыклары, эре массакүләм мәгълүмат чаралары җитәкчеләре. Чарада Татарстан Республикасы Президенты Рөстәм Миңнеханов һәм Казан Мэры Илсур Метшин катнашачак.

Президент Юлламасы-дәүләт башлыгы эчке һәм тышкы сәясәтнең төп өстенлекләрен билгели торган программа документы. Һәрберсендә ил алдында торган иң актуаль бурычларга бәйле яңа акциентлар ясала.

Турыдан-туры трансляцияне "Россия 1", "Россия 24" һәм "Первый канал" телеканалларында карарга була, чара 12.00 сәгатькә планлаштырылган, дип хәбәр ителә Кремль сайтында. Чараны 750 дән артык аккредитация узган журналист яктыртачак.

Шулай ук укыгыз

Барлык яңалыклар