Владимир Путин Татарстан җитәкчелегенә һәм Казан мэриясенә БРИКС саммитын оештырган өчен рәхмәт белдерде

Ил Президенты билгеләп үткәнчә, шәһәрдә эшләү өчен уңайлы шартлар тудырылган

Россия Президенты Владимир Путин Татарстан җитәкчелегенә һәм Казан мэриясенә кунакчыллыклары һәм БРИКС саммитын оештырулары өчен рәхмәт белдерде. Рәхмәт сүзләрен ул «Казан Экспо» ХКҮдә узган матбугат конференциясендә халыкара сәяси чарага йомгак ясады.

«Татарстан җитәкчелегенә, Казан мэриясенә кунакчыллыклары һәм эшебез өчен уңайлы шартлар тудырырга омтылулары өчен чын күңелдән рәхмәт белдерәсем килә. Шәһәр халкы алдында уңайсызлыклар – кортежлар хәрәкәте, магистральләрне ябу өчен гафу үтенәсем килә. Сынаулар юкка гына булмады дип ышандырасым килә», — диде Владимир Путин һәм шәһәрдә эшләү өчен уңайлы шартлар тудырылуын өстәде.

Исегезгә төшерәбез, БРИКС саммиты Казанда 22—24 октябрьдә узды. Шәһәр 35тән артык ил һәм алты халыкара оешма вәкилләрен кабул итте. Шул ук вакытта 22 делегацияне дәүләт лидерлары җитәкли. Саммитның икенче көнендә киңәйтелгән составтагы утырышта Казан декларациясе кабул ителде. Анда дөньядагы хәлләрнең торышына гомуми бәя, берләшмәдә Россия рәислеге нәтиҗәләре, шулай ук озак вакытлы перспективага үзара хезмәттәшлек юнәлешләре билгеләнгән.

Шулай ук укыгыз

Барлык яңалыклар