Казанның шәһәр яны лагерьларының язгы сменасында 1 меңнән артык бала ял итәчәк

Каникулларны сигез шәһәр лагерында үткәрергә була

Фото: Денис Гордийко

Казанның сигез шәһәр яны лагерьларында язгы балалар сменасы оештырыла. Ял итәргә 1 меңнән артык Казан балалары һәм яшүсмерләре барачак, алар арасында махсус хәрби операциясендә катнашучыларның һәм авыр тормыш хәлендә калган гаиләләрнең балалары.

Язгы каникулларны «Ял» шәһәр үзәгенең «Заречье» һәм «Молодежный» лагерьлары, «Молодая гвардия» һәм «Ново-Юдино» муниципаль лагерьлары һәм башкаларында үткәрергә була.

«Ял» үзәге лагерьларында быел язын 480 бала ял итәчәк, аларның 90ы – МХОдә катнашучыларның балалары. Барлыгы сменада 1 050 бала язгы каникулларын уздырачак, 93 бала – авыр тормыш хәлендә калган гаиләләрдән.

Язгы сменаның программасын Россиядә Халыклар бердәмлеге көненә багышлаячаклар. 28 марттан 5 апрельгә кадәр балалар өчен мастер-класслар, спорт чаралары оештырачаклар һәм командалар арасында ярышлар уздырылачак.

Язгы сменалар бетүгә шәһәр яны лагерьларында җәйге сәламәтләндерү чараларын уздыру өчен әзерлек башланачак. Балаларга ял итәргә рәхәт, уңайлы һәм матур шартлар булдыру өчен, бина эчендә ремонт эшләре планлаштырылган.

Исегезгә төшерәбез, язгы каникулларда мәктәп яны лагерьларында 10 меңнән артык башлангыч һәм урта сыйныф укучылары ял итәчәк дип хәбәр ителде. Мәктәп укучылары өчен күңел ачу һәм белем бирү программалары әзерләнгән һәм көнгә ике тапкыр кайнар ризык белән туклану оештырылган.

Шулай ук укыгыз

Барлык яңалыклар