Татарстанда язгы ау сезоны 27 апрельдән 6 майга кадәр узачак

Расланган вакыт аралыгы төбәк территориясеннән казларның күпләп узып китү чорына туры килмәскә мөмкин.

(Казан шәһәре KZN.RU, 4-нче апрель). 27-нче апрель көнне Татарстанда язгы ау сезоны ачылачак, ул 6-нчы майга кадәр (6-нчы майны да кертеп) дәвам итәчәк. Әмма расланган вакыт төбәк территориясеннән казларның күпләп узып китү чорына туры килмәскә дә мөмкин.

Ау вакытлары РФ субъектының югары вазыйфаи заты тарафыннан раслана. «Әлеге документны раслау өчен әзерлекнең озак вакытка сузылуын исәпкә алып, язгы чорда казларның очып китү вакытына «эләгү» проблемасы барлыкка килә. Ау ачылу вакыты казларның Татарстан Республикасы территориясеннән күпләп узу чорына туры килмәве мөмкин булуын күздә тотып, комитет алдан ук гафу үтенүен белдерә», - дип хәбәр ителә ведомство сайтында.

Комитет, язгы ау сезонын ачу вакытына һава шартларына бәйле рәвештә төзәтмәләр кертү өчен, вәкаләтле органнарның ведомство актлары ярдәмендә РФ табигый ресурслар һәм экология министрлыгы каршындагы яңа оешкан ау департаментына чираттагы тәкъдимнәрен әзерли. Моның өчен Ау турындагы законга үзгәрешләр кертергә кирәк булачак.

Шулай ук комитет Татарстанда агымдагы елда ауның иртә башлануы белән территорияне бүлүгә бәйле киләсе елның язгы ау сезонын ике срокка аеруны тәкъдим итәргә планлаштыра.

Дәүләт комитеты белгечләре Татарстан аучыларын бу мәсьәләдә фикер алышырга чакыралар һәм Ilfat.Valeev@tatar.ru электрон почтасына тәкъдимнәрен җибәрүләрен сорыйлар.

Шулай ук укыгыз

Барлык яңалыклар