Казанлылар халыкара аэропорт өчен исем сайлаячак

Россиянең 45 аэопортына халыкара һәм федераль дәрәҗәдәге әһәмияткә ия булган, төрле юнәлешләрдә танылу алган россиялеләр исемнәрен тәкъдим итәргә кирәк.

(Казан шәһәре KZN.RU, 11-нче октябрь). Казанлылар, “Казан” халыкара аэропортына исем биреп, “Россиянең данлыклы исемнәре” гомуммилләт проекты кысаларындагы бәйгедә катнаша алалар: моның өчен аларга Россиянең 45 аэопортына халыкара һәм федераль дәрәҗәдәге әһәмияткә ия булган, төрле юнәлешләрдә танылу алган россиялеләр исемнәрен тәкъдим итәргә кирәк.

Аэропортларга кушылачак исемнәргә кандидатлар итеп Россия тарихына зур өлеш керткән, шулай ук дөньякүләмендә билгеле булган шәхесләрнең исемнәре дәгъва кыла ала. Аларның эшчәнлеге әдәби, музыкаль, сәнгать, фәнни һәм географик ачышлар, хәрби җиңүләр, сәнәгать һәм икътисади үсеш белән бәйле булырга мөмкин, дип хәбәр ителә конкурс нигезләмәсендә.

Конкурс 4 этапта узачак. Великиеимена.рф сайтында тиешле форманы тутырып, һәркем үз вариантын тәкъдим итә ала. Ноябрь ахырында җиңүче исемнәр билгеле булачак.

Конкурста катнашуның кагыйдәләре белән тулырак рәсми сайтта танышып була.

Шулай ук укыгыз

Барлык яңалыклар