«Замбези елгасы» зоопаркына Австриядән Мавинго кушаматлы горилла күченде

180 см буйлы 20 яшьлек примат 200 кг авырлыкта.

Фото: Денис Гордийко

(Казан шәһәре KZN.RU, 28-нче декабрь). Бүген Казанның «Замбези елгасы» зоопаркына Мавинго кушаматлы горилла алып кайттылар. Приматны Австрия зоопаркыннан кайтарттылар.

Германиягә Австриядән Мавингоны автотранспортта, аннары – самолетта Мәскәүгә кадәр транспортта күчергәннәр. Илнең башкаласыннан Казанга кадәр приматны кузовлы автобуста алып кайтканнар, анда һава температурасы +21 градус тәшкил иткән.

Мавинго 2001 елның 6-нчы апрелендә доминант ана горилладан туган. Зоопаркның яңа кунагы әнисенең сыйфатларын үзләштергән – ул үз көчен, лидерлыгын тоя, әмма үзен тыныч тота. Ул 30 көнлек карантинда, башка ата гориллалар – Квабена һәм Нгувудан – аны эшермә бик аерып тора. «Мавинго – лидерлык сыйфатлары булган эре ата горилла. Яшь ата гориллаларга аның исенә, барлыгына күнегергә кирәк, һәм бу кайчан булачак, шулчакта гына эшермә бикне ачачаклар», – дип сөйләделәр зоопаркның матбугат хезмәтендә.

Мавинго 200 кг авырлыкта, аның буе 180 см тәшкил итә. Горилла музыка ярата, бигрәк тә «Король Лев» фильмыннан, ул бәрәңге һәм эремчек белән туклана.