Займище торак массивында Садовая урамында котыру авыруы буенча карантин урнаштырылган

Татарстан Республикасы Президенты Рөстәм Миңнеханов тиешле указга кул куйды.

(Казан шәһәре KZN.RU, 22-нче гыйнвар). Казанның Займище торак массивында Садовая урамында котыру авыруы буенча карантин урнаштырылган. Әлеге территориядә терлекләр котыру авырулы булганга күрә, мондый чаралар күрелгән. Әлеге боерыкка ТР Президенты Рөстәм Миңнеханов кул куйды.

Карантин вакытында территориядә йорт хайваннарын сату, аларны территориядән читкә чыгару һәм тоту; хайваннарны иткә яисә авыру сәбәпле сую; сату, азыкка куллану һәм котыру авыруы белән авыручы хайваннарның сөтен куллану; территориядән читкә клиник яктан сәламәт һәм тиешле вакытта дезинфекция үтмәгән хайваннарның йоннарын, тиреләрен чыгару тыела.

Карантин 21 гыйнвардан билгеләнгән һәм, тиешле чаралар күрелгән очракта, соңгы авыру очрагыннан 2 ай үткән көнгә кадәр гамәлдә булачак.

Шулай ук укыгыз

Барлык яңалыклар