«Манеж» күргәзмәләр залында казанлылар тылсымлы фонарь турында лекция тыңлый алачак

Аны анимация уенчыклары күргәзмәсе кураторы һәм коллекционеры Максим Васильев үткәрәчәк.

Фото: «Казан Кремле» музей-тыюлыгының матбугат хезмәте

(Казан шәһәре KZN.RU, 9-нчы ноябрь). 12-нче ноябрь көнне Казан Кремленең «Манеж» күргәзмәләр залында коллекционер һәм «Пресинема» анимация уенчыклар күргәзмәсе кураторы Максим Васильевның түләүсез лекциясе булачак. Сөйләшүнең темасы – кызыклы исемле җайланма – тылсымлы фонарь.

Лекциядә казанлылар тылсымлы фонарьны ничек һәм кайчан уйлап табулары, аның ничек камилләшүе, анимация үсешендә нинди роль уйнавы һәм бүген аларны ничек кулланулары турында белә алачак.

Тылсымлы фонарьның тарихы бай – төрле елларда әлеге аппаратның күп төрләре барлыкка килгән, алар университетларда лекция дәресләре, күңел ачу һәм әкиятләрне карау өчен ярминкәләрдә файдаланылган.

Тылсымлы фонарь хәзерге заман проекторының элеккеге төре һәм ул мәдәни эз калдырган – кинематографка «ут бүләк иткән» һәм анимация үсешенә ярдәм иткән. Беренче кино проекторлары тылсымлы фонарьлар нигезендә ясалган. Ә ХХ гасырда фонарь инде диапроектор рәвешендә кулланылган.

Лекциягә алдан язылу өчен +7(843)567-80-67, +7(843)567-80-68 телефон номерлары буенча шалтыратырга кирәк. Урыннар саны чикләнгән, дип хәбәр итә «Казан Кремле» музей-тыюлыгы матбугат хезмәте.

Исегезгә төшерәбез, «Пресинема» күргәзмәсендә шәһәрлеләр кино һәм мультипликация чорының нидән башлануы, стереоскоп һәм күләгә театры ничек оештырылуы, тауматроп һәм зоотропның нәрсә икәнлеге турында белә ала.

Шулай ук укыгыз

Барлык яңалыклар