Ялларда Татарстанда минус 1-6 градуска кадәр җылытачак

Якын көннәрдә Казанда уртача салкын һава саклана, җомга көн көндез бераз кар явачак.

Фото: Денис Гордийко

(Казан шәһәре KZN.RU, 27 нче гыйнвар). Казанда 28 нче гыйнварда уртача салкын һава саклана, бераз кар явачак. Төнлә 15-17 градус салкын булачак, кайбер районнарда – минус 20 градуска кадәр, көндез – 7-9 градус салкын. Юлларда бозлавык саклана.

Гомумән алганда, республикада аязучан болытлы һава торышы саклана. Төнге сәгатьләрдә һава температурасы 13 тән 18 градуска кадәр, аязганда 21 градуска кадәр салкын булачак. Көндез җомга көнне 6 дан 11 градуска кадәр салкын булуы көтелә.

Шимбә көнне республикада һава торышы үзгәрмәячәк. Төнлә температура 11-16 градус салкын, көнчыгышта 20 градус салкын булачак. 29 нчы гыйнварда көндез синоптиклар 7-12 градус салкын булыр дип фаразлыйлар.

Якшәмбе көнне республика төньяк-көнбатыштан авышкан циклон йогынтысына эләгәчәк. Кар көтелә. 30 нчы гыйнварга каршы төндә 9-14 градус салкын, көндез 1-6 градус салкын булачак.

ТР буенча Эчке эшләр министрлыгының Дәүләт автоинспекциясе машина йөртүчеләргә юл хәрәкәте кагыйдәләрен үтәү кирәклеге турында искәртә. Бигрәк тә каршы як полосага чыгу белән бәйле куркыныч маневрлардан тыелырга кирәк. Иминлек каешларын эләктерергә, ә 7 яшькә кадәрге балаларны махсус креслоларда йөртергә кирәк.

Җәяүлеләргә дә сак булырга кирәк – юлны бары тик махсус билгеләнгән урында светофорның рөхсәт ителә торган сигналына чыгарга ярый, ә караңгы вакытта яктылык кайтаргыч
элементлар куллану сорала.

Шулай ук укыгыз

Барлык яңалыклар