Ял көннәрендә Татарстанда туфракта минус 1 градуска кадәр суытачак

Ял көннәрендә Татарстанда туфракта минус 1 градуска кадәр суытачак

<p> (Казан шәһәре KZN.RU, 25-нче май). Татарстан синоптиклары республикалыларны туфракта кырау һәм көчле җил турында кисәтәләр. Татарстанда шторм кисәтүе игълан ителгән – 26 һәм 27 майда төнлә урыны белән туфракта минус 1 градуска кадәр суытачак.<br> </p> <p> Иртәгә, 26 майда, Казанда явым-төшем күзәтелми, алмашынучан болытлы һава булачак, ләкин урыны белән төньяктан 15 м/с тизлеккә кадәр көчле җил исәчәк. Төнлә терекөмеш баганалары +3-5 градуска кадәр төшәчәк, уйсу урыннарда – +1-3 градуска кадәр, көндез +15-17 градус көтелә. </p> <p> Татарстан буенча җилнең көче урыны белән 18 м/с кадәр артырга мөмкин, яңгыр көтелми. Төнлә һава температурасы 0+5 градус булачак, туфракта кырау фаразлана, көндез 12-17 градус көтелә. Суытуга карамастан, 2630 майда урманнарда югары (4 класс) янгын куркынычы саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p>

2018-05-25T14:28:34+0300