Ял көннәрендә синоптиклар яңгыр, юеш кар һәм көчле бозлавык фаразлый

Ял көннәрендә синоптиклар яңгыр, юеш кар һәм көчле бозлавык фаразлый

<p> </p> <div class="detail-picture"> <img src="https://kzn.ru/upload/iblock/503/IGN-2833-870.jpeg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 1 нче апрель). Ял көннәрендә Татарстанда һәм аның башкаласында һава шартларының начарлануы көтелә. Актив көньяк-көнбатыш циклон республика территориясенә юеш кар алып киләчәк, җил көчәйгәндә секундына 15-20 метрга кадәр тизлектә булачак, күз күреме 500-1000 метрга кадәр начарлана. <p> </p> <p> 2 нче апрельгә каршы төндә Казанда юеш кар һәм яңгыр көтелә. Һаваның минималь температурасы -1 градустан +1 градуска кадәр  булачак. Көндез явым-төшем дәвам итәчәк, ә һава температурасы +3 белән +5 градус арасында тирбәләчәк. </p> <p> Татарстанның кайбер районнарында алдагы төндә һаваның минималь температурасы -3 градуска кадәр төшәчәк, ә көндез максималь температура +9 градуска җитәчәк. Юлларда бозлавык һәм кар көртләре, республиканың кайбер районнарында томан булырга мөмкин. </p> <p> 3 нче апрельдә һаваның минималь температурасы нульгә якын булачак, көндез республиканың кайбер районнарында һава 8-13 градуска кадәр җылыначак. Җил тизлеге секундына 15-20 метрга кадәр җитәргә мөмкин, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p> <p> Эчке эшләр министрлыгының ТР буенча Дәүләт автоинспекциясе машина йөртүчеләргә юл хәрәкәте кагыйдәләрен үтәү кирәклеге турында искә төшерә. Куркыныч маневрлардан, бигрәк тә каршы як полосага чыгудан тыелырга кирәк. Иминлек каешларын эләктерергә, ә 7 яшькә кадәрге балаларны махсус креслоларда йөртергә онытмагыз. </p> <p> Җәяүлеләргә дә сак булырга, юлны бары тик моның өчен билгеләнгән урында гына светофорның рөхсәт итүче сигналына чыгарга, ә караңгы вакытта яктылык кайтаручы элементлар кулланырга кирәк. </p>

2022-04-01T16:21:22+0300