Ял көннәрендә Казанда 1, 4, 28, 28а, 43, 54, 70, 71, 74, 75, 90 номерлы автобуслар хәрәкәте схемасы вакытлыча үзгәрәчәк

Бу «Казан триатлоны – 2025» уздыру белән бәйле

Казанда ял көннәрендә вакытлыча 1, 4, 28, 28а, 43, 54, 70, 71, 74, 75, 90 номерлы автобус маршрутлары хәрәкәте схемасы үзгәрәчәк. Бу «Казан триатлоны – 2025» не уздыру белән бәйле.

26 һәм 27 июльдә 5:00 тән 16:00 га кадәр җәмәгать транспорты Миллениум күпереннән үзәккә түбәндәге схема буенча йөриячәк:

43, 54 номерлы автобуслар Ф.Әмирхан урамыннан «Четаев урамы» тукталышыннан соң туннель аша узачак һәм «Чистай урамы» һәм «Сибгат Хәким урамы» тукталышларын калдырып үтәчәк;

54 нче номерлы автобус Миллениум күпереннән Вишневский урамы – Назарбаев урамы – Островский урамы — Пушкин урамы һәм алга таба маршрут буенча йөриячәк, ә «Горький исемендәге Үзәк мәдәният һәм ял паркы» һәм К.Маркс урамы буенча барлык тукталышларны калдырып үтәчәк;

1, 71 нче автобуслар Н.Ершов – К. Маркс – Пушкин урамнары буйлап һәм алга таба маршрут буенча барачак, ә «Вишневский урамы» һәм «Островский урамы» тукталышларын калдырып үтәчәк;

90 нчы номерлы автобус Достовский урамы – Вишневский урамы – Н.Ершов урамы – К. Маркс урамы – Пушкин урамы буйлап йөриячәк, Чехов, Груздев һәм Бутлеров урамнарындагы тукталышларны калдырып үтәчәк;

4, 70 нче номерлы автобуслар Н.Ершов урамы буйлап барачак һәм Варварин чиркәве янындагы светофорда борылачак.

Шәһәр үзәгеннән җәмәгать транспорты маршрут буенча барачак, дип хәбәр иттеләр шәһәрнең Транспорт комитетында.

Шулай ук 26 июльдә 4:00 тән 16:00 га кадәр җәмәгать транспорты хәрәкәте схемаларыннан тукталышларны төшереп калдыралар:

Миллениум күпереннән Ф.Әмирхан урамы буйлап барган 43, 54, 28А номерлы автобус маршрутларының «РФ Герое Алексей Козин урамы», «Сибгат Хәким урамы», «Чистай урамы» тукталышлары;

Миллениум күпере юнәлешендә Ф.Әмирхан урамы буйлап барган 43, 54, 28 нче автобус маршрутларының «Сибгат Хәким урамы», «Чистай урамы» тукталышлары;

Чистай урамы буйлап Су спорт төрләре сарае юнәлешендә баручы 74, 75 нче автобус маршрутларының «ДВВС» тукталышы.

Элегрәк хәбәр ителгәнчә, Казанда шимбә көнне берничә урам буенча транспорт хәрәкәтен чикләячәкләр. Быелгы «Казан триатлоны – 2025» ярышында 800 спортчы катнашачак.

Шулай ук укыгыз

Барлык яңалыклар