Казандагы Вахитов һәм Идел буе районнары администрациясендә йортларны кышкы чорда тоту темасына очрашу үткәрелде

Катнашучылар урам җыештыручылары җитмәү проблемасын хәл итү турында фикер алыштылар

Казанның Вахитов һәм Идел буе районнары администрациясендә башкарма комитет җитәкчесе урынбасары Искәндәр Гыйниятуллин һәм хакимият башлыгы Альберт Салихов йортлар буенча өлкәннәр белән очрашты. Чарада район идарәче компанияләре директорлары белән берлектә гомумйорт милкен кышлату мәсьәләләре буенча фикер алыштылар.

Бүгенгә Вахитов һәм Идел буе районнарында 1757 йортка 640 урам җыештыручысы исәпләнә. Эшчеләрнең уртача хезмәт хакы 34 мең сум тәшкил итә. Тарифлар буенча кайбер милекчеләрдән чистартыла торган территориянең мәйданы 350 кв.м булганда 3 мең сум гына җыела.

Еш кына ташландык ишегалларында карны яшел зоналарда салалар, бу кечкенә мәйдан территорияләрендә аеруча сизелә.

Очрашуда катнашучыларга РФ Торак кодексы нигезендә йорт яны территориясе муниципаль милеккә карамый, дип искәрттеләр. Шул сәбәпле шәһәр бюджетыннан акчалар ишегалларын карап тотуга бүленә алмый, шуңа күрә халык кышын аларның территориясе ничек булачагы турында мөстәкыйль карар кабул итәргә тиеш.

Элегрәк хәбәр ителгәнчә, Татарстан башкаласында идарәче компанияләр җитәкчеләре белән очраша башлагдылар. Барлыгы 1300дән артык чара оештыру планлаштырыла. График белән сылтама буенча танышырга мөмкин. Халык белән очрашулар Казан мэры Илсур Метшин кушуы буенча уздырыла. Торак хуҗалары кыенлыклар һәм проблемалар, аларны чишү ысуллары турында сөйләп, турыдан-туры һәм ышанычлы диалогка чыгарга тиеш.

Шулай ук укыгыз

Барлык яңалыклар