Казан юлларын җыештыруга 600 дән артык юл эшчесе һәм 250 берәмлек техника җәлеп ителгән

Кичә кич бозга каршы эшкәртү өчен 240 тонна реагент һәм 228 тонна ком-тоз катнашмасы кулланылган.

Фото: Марат Мөгыйнов

(Казан шәһәре KZN.RU, 23 нче ноябрь). Бүген Казанда юлларны кардан чистартуда һәм бозлавыкка каршы эшкәртүдә 646 юл хезмәте хезмәткәре һәм 269 берәмлек техника катнашты.

ТР Гидрометеорология үзәгенең һава торышы начарлану турындагы кисәтүенә бәйле рәвештә, юл хезмәтләре кичә үк бозлавыкка каршы актив эшкәртүне башлап җибәргән. Эшчеләр 240 тонна реагент һәм 228 тонна ком-тоз катнашмасы кулландылар. Тәүлек эчендә Казан урамнарыннан 6 мең тоннага якын кар чыгарылган, шуның 3,5 меңе – төнлә.

Көндез юлларны, тротуарларны, күперләрне, кичүләрне һәм тукталышларга килү юлларын эшкәртүне дәвам иттеләр. Реагент тәэсир итеп, карны эреткәннән соң, техника кар валчыкларын себерә башлады. Хәзер реагент һәм ком-тоз катнашмасы белән эшкәртүне кабатлыйлар, дип хәбәр иттеләр Тышкы төзекләндерү комитетында.

Күпфатирлы йортларның йорт яны территорияләрендә хезмәт күрсәтүче оешмаларның барлык көчләре мобилизацияләнгән. Керү төркемнәрен һәм җәяүлеләр юлларын боздан чистарту өчен бүген ишегалды җыештыручыларны һәм авария белән бәйле эшләрдә булмаган башка хезмәткәрләрне җәлеп иттеләр. Идарәче компанияләр ишегалларын җыештыруга барлыгы 2,7 мең кеше һәм 99 берәмлек техника юнәлтте, дип хәбәр иттеләр ТКХ комитетында. 16,1 тонна реагент һәм 156 тонна ком-тоз катнашмасы тотылган – кар яуганнан соң гадәти эшкәртүгә караганда 2 тапкырга күбрәк.

ТР Гидрометеорология үзәге мәгълүматлары буенча, бүген төнлә һәм иртәгә көндез шәһәрдә юеш кар көтелә, аерым районнарда бозлавык. Төньяк-көнчыгыштан, көнчыгыштан уртача тизлектә җил. Синоптиклар фаразлавынча, һава температурасы -3-5 градус булачак. Урыны белән юлларда кар көртләре, көчле бозлавык булырга мөмкин.

Шулай ук укыгыз

Барлык яңалыклар