Казанның өч районында этләрне һәм мәчеләрне бушлай вакцинацияләү оештырыла

Йорт хайваннарына котыру авыруыннан прививка ясалачак.

Фото: Денис Гордийко

(Казан шәһәре KZN.RU, 7 нче апрель). 8 нче һәм 9 нчы апрельдә Казанның өч районында котыру авыруыннан этләргә һәм мәчеләргә бушлай вакцинация оештыралар.

8 нче апрельдә 9:00 сәгатьтән 11:00 сәгатькә кадәр йорт хайваннарын Кадыш торак массивында Калинин урамы, 1 адресы буенча (почта бинасы янында) прививкалау оештырылачак. Шул ук көнне мобиль ветеринария пункты Брикетный торак массивында, 9 нчы Кадыш урамындагы 15а номерлы йорт янында урнашачак. Вакцинацияне 11:00 дән 12:00 гә кадәр үткәрәчәкләр. Шулай ук хайваннарга прививканы шимбә көнне Зәңгәр Күл торак массивында да ясатырга мөмкин булачак. 9:00 дән 10:00 гә кадәр этләрне һәм мәчеләрне өй борынча кереп вакцинацияләячәкләр.

Якшәмбе, 9 нчы апрельдә, мобиль ветеринария пункты Крутушка поселогында котельный янында эшләячәк. Хайваннарга прививканы 9:00 сәгатьтән 11:00 сәгатькә кадәр ясатырга мөмкин. Шул ук вакытта ветеринарлар Щербаково торак массивында Дачная урамындагы һәйкәл янында эшләячәк, дип хәбәр итә «Казан дәүләт ветеринария берләшмәсе» ДБУ.

Отар поселогы халкы өчен акцияне Калинин урамы, 60а адресы буенча мәдәният йорты каршындагы мәйданда уздырачаклар. Ветеринария табиблары 9:00 дән 12:00 гә кадәр кизү торачак. Шул ук вакытта этләргә һәм мәчеләргә котыру авыруыннан Победилово поселогында Садовая урамы, 38а адресы буенча прививка ясатырга мөмкин булачак. Кукушкино поселогында мобиль ветеринария пункты 12:30 дан 14:00 гә кадәр Аркылы Кукушкино урамы, 11 адресы буенча эшләячәк, дип хәбәр ителә Казанның Вахитов һәм Идел буе районнары хакимиятенең Telegram-каналында.

Тулырак +7(843)571-38-10, +7(917)287-02-99 телефоннары буенча яки Побежимов урамы, 2 адресы буенча урнашкан Авиатөзелеш районының дәүләт ветеринария клиникасында. Шулай ук шәһәр халкына Вахитов һәм Идел буе районнарының дәүләт ветеринария хезмәте белгечләре +7(843)298-53-02 телефоны буенча консультация бирә.

Вакцинацияләнгән этләр һәм мәчеләр хуҗалары шуны истә тотарга тиеш: иммунитет формалашкан арада, хайван организмы зәгыйфьләнә, шуңа күрә аңа башка хайваннар белән элемтәгә керүдән саклану яхшырак.

Исегезгә төшерәбез, узган ял көннәрендә ветеринария табиблары Чебакса, Нагорный, Карьер, Яңа Сосновка, Иске Горки һәм Әмәт торак массивларында кизү тордылар. Табиблар 321 йорт хайванын вакцинацияләгән.

Шулай ук укыгыз

Барлык яңалыклар