Казанның өч районында 19 июльдә электр энергиясен вакытлыча сүндерәчәкләр

Ут берничә сәгатькә бетеп торачак.

(Казан шәһәре KZN.RU, 18-нче июль). Иртәгә, 19-нчы июль көнне, Казанның Вахитов, Киров һәм Идел буе районнарында электр энергиясен вакытлыча туктатып тору планлаштырыла.

8.00 сәгатьтән 17.00 сәгатькә кадәр Вахитов районы йортларында ут булмаячак: Достоевский ур., 53/4, Шмидт ур., 8, ә 10.00 сәгатьтән 17.00 сәгатькә кадәр – Галактионов ур., 14, 16а, 18, Гоголь ур., 3а, Горький ур., 12.

8.00 сәгатьтән 20.00 сәгатькә кадәр Киров районының Яңа Аракчы бистәсе йортларында ут булмаячак: Гипс ур., 1-20, 21а, 23а, 23б, 23в, 25а, Лаеш ур., 1-26, Летняя ур., 1-50, Новгород ур., 29а, 39, 43, 45, 47, 49, шулай ук Красная Горка поселогындагы адреслар буенча: Елгачылар ур., 58-78, Гипс ур., 21д, 24, 25-29, Объединенная ур., 28-51.

Идел буе районында 8.00 сәгатьтән 17.00 сәгатькә кадәр электр утын түбәндәге адреслар буенча урнашкан торак йортларда сүндерәчәкләр: Кол Гали урамы, 9/95, Фучик урамы, 97, 99, 101, ә 8.00 сәгатьтән 18.00 сәгатькә кадәр Габишев урамы, 19, 19а, 19б, Кол Гали урамы, 20 йортта ут бетәчәк. Шулай ук Отар бистәсендәге шәхси сектордагы кайбер йортлар да утсыз калачак. 8.00 сәгатьтән 17.00 сәгатькә кадәр Кече Отар урамы буенча урнашкан йортларда, ә 8.00 сәгатьтән 18.00 сәгатькә кадәр Молодежная урамы буенча урнашкан йортларда электр утын сүндерергә планлаштырыла.

Ут бетеп тору электр тапшыру линияләрен (ЛЭП), трансформатор кече станцияләренең электротехник җиһазларын планлы ремонтлау һәм Казан электр челтәрләренең тарату челтәрләренә техник хезмәт күрсәтү белән бәйле, дип хәбәр итә «Сетевая компания» ачык акционерлык җәмгыяте.

Шулай ук укыгыз

Барлык яңалыклар