Татарстан Республикасы башкаласының сәүдә үзәкләрендә үзмәшгульләр продукциясе ярминкәләре узачак

Сәүдә 24 нче декабрьдән 30 нчы декабрьгә кадәр дәвам итәчәк.

Фото: Денис Гордийко

(Казан шәһәре KZN.RU, 8 нче декабрь). Декабрь аенда Татарстан үзмәшгульләренә бушка «Южный» сәүдә үзәгендә һәм «Парк Хаус» сәүдә үзәгендә җиһазландырылган сәүдә урыннары тәкъдим итәчәкләр. Яңа ел ярминкәләре «Кече һәм урта эшкуарлык һәм шәхси эшкуарлык инициативасына ярдәм» илкүләм проекты буенча оештырылачак.

Сәүдә 24 нче декабрьдә «Южный» сәүдә үзәгендә башлана, ә 26-30 нчы декабрьдә «Парк Хаус» сәүдә үзәгендә узачак. Үзмәшгульләр ярминкәләрдә үз продукцияләрен – яңа ел бүләкләре, агач һәм күн эшләнмәләр, фарфор савыт-сабалар, дизайнер бизәнү әйберләре, фермер товарлары, уенчыклар һәм өй декоры әйберләрен тәкъдим итә һәм сата алачак.

Ярминкәләрдә катнашу өчен үзмәшгульләргә МСП.РФ платформасында теркәлү узарга кирәк. «Сервислар» бүлегендә башта «Региональ ярдәм чаралары» пунктын, аннары «Ярдәм алу» пунктын сайларга кирәк. Алга таба төбәкне, «Үзмәшгульләр өчен» бизнес категориясен күрсәтергә һәм «РФ территориясендә күргәзмә-ярминкә чараларында катнашуны финанслау» өстәмә битенә күчәргә кирәк.

Тулырак мәгълүматны «Минем бизнес» үзәгенең +7(843)524-90-90 телефоны аша белергә була.

ТР Икътисад министрлыгы матбугат хезмәте хәбәр иткәнчә, сәүдә үзәкләрендә мондый ярминкәләр яз көне үткәрелгән, ул чакта үзмәшгульләрнең кереме 5 млн сумнан артып киткән. Гомумән алганда, ярминкәләрдә республика халкы быел 18 млн сум акча эшләгән.

Исегезгә төшерәбез, үзмәшгульләр 22-25 нче декабрьдә Казанда узачак «Мин – Татарстан» яңа ел ярминкәсендә дә үз продукцияләрен тәкъдим итә алалар. Сәүдә Петербург ур., 9 адресы буенча урнашкан сәүдә үзәге янындагы мәйданда оештырылачак.

Үзмәшгульләр шулай ук «КышДаКар-фест» кышкы фестивальдә дә үз эшләнмәләрен тәкъдим итәчәк. «Казан» гаилә үзәге янында фестиваль чыршы мәйданчыгы ачылган көнне, ә Бауман урамында 30 нчы декабрьдә эшли башлаячак. «КышДаКар-фест»ка 8 нче гыйнварга кадәр барырга мөмкин булачак. Ярминкәдә катнашучыларга 19 павильон биреләчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар