Г.Камал исемендәге театрда «НормальНо» дигән интерактив спектакль-импровизация күрсәтәчәкләр

Керү алдан теркәлү буенча ирекле

Фото: «Э-моция» инклюзив театр студиясе

(Казан шәһәре KZN.RU, 15 нче декабрь). «Э-моция» инклюзив студиясе «НормальНо» спектакленә чакыра. Спектакль 18 нче декабрьдә Г.Камал исемендәге театрда күрсәтеләчәк. Керү бушлай, ләкин теркәлергә кирәк.

«НормальНо» – режиссер Неля Суркинаның импровизацияле һәм интерактив спектакле, анда коллектив бер-берсе һәм зал белән үзара бәйләнеш аша «Син хәзер ничек?», «Син үзеңне ничек хис итәсең?», «Ә мин ничек?» дигән сорауларга җавап бирә. Тамашачылар спектакльне тудыруда катнашачаклар.

«НормальНо» спектаклен күрсәтү ТР Мәдәният министрлыгы ярдәме белән үткәрелә, аны «Театраль Идел буе» фестивале өчен төшерәчәкләр. Спектакльнең видеоязмасы интернетта урнаштырылачак, шуңа күрә спектакльгә килеп, тамашачылар төшерүдә катнашырга ризалашалар.

Тамаша 18:00 сәгатьтә кече залда башлана – аз хәрәкәтләнүче тамашачылар өчен уңайлыклар юк, дип хәбәр иттеләр «Э-моция» студиясендә.

«НормальНо» спектакле – «Театр тигез мөмкинлекләр территориясе» IV бөтенроссия ачык парафестиваленең «Иң яхшы интерактив спектакль» номинациясендә лауреат. Моннан тыш, «Э-моция» студиясе – «Иң яхшы иҗади инклюзив коллектив» номинациясендә Халыкара инклюзив практикалар фестивале (2018), «Казанның кече театрлары» телевизион конкурсы, «Россия волонтеры – 2019» бөтенроссия конкурсы җиңүчесе.

Шулай ук укыгыз

Барлык яңалыклар