Татарстанда коронавирус инфекциясенең 75 яңа очрагы теркәлгән

51 кеше өйдә дәвалана - аларның авыруы симптомсыз яки җиңел формада уза.

(Казан шәһәре KZN.RU, 22-нче май). Татарстанда коронавирус инфекциясе белән авыруның 75 яңа очрагы теркәлгән. 24 кеше хастаханәгә озатылган, 51 кеше өйдә дәвалана - аларның авыруы симптомсыз яки җиңел формада уза.

Коронавирус инфекциясе таралуга каршы тору буенча республика оператив штабында хәбәр итүләренчә, читтән алып кайтылган бер очрак бар, калганнары инфекциялеләр белән контакттан соң авырый башлаганнар.

Авыручылар арасында бер балигъ булмаган бала бар. 3 кеше - 18 яшьтән 30 яшькә кадәр, 31 кеше - 30 яшьтән 50 яшькә кадәр, 14 кеше - 50 яшьтән 60 яшькә кадәр, 16 кеше - 60 яшьтән 70 яшькә кадәр, 7 кеше - 70 яшьтән 80 яшькә кадәр, 3 кеше - 80 яшьтән 90 яшькә кадәр.

24 кеше - Казанда, 23 кеше Чаллыда яши. 7 кеше - Түбән Кама районында, 6 кеше - Апас районында, 4 кеше - Балык Бистәсе районында, 3 кеше - Яшел Үзән районында, 2 кеше - Питрәч районында, берәр кеше - Әлмәт, Әтнә, Биектау, Лаеш, Саба һәм Тукай районнарында.

22-нче майга Татарстанда 2621 СОVID-19 авыруы очрагы теркәлгән. Бөтен чорда республикада 1698 кеше савыккан, шул исәптән соңгы тәүлектә 246 кеше.

Бүген Татарстанда пациентның коронавирус инфекцияле унынчы үлү очрагы расланды. 20-нче майда Казанда 1963 елгы кеше үлде. Ул температура күтәрелү һәм арыганлык турындагы зарлары белән хастаханәгә озатыла. 13-нче майдан бирле реанимация бүлегендә һәм Вакытлы инфекция госпиталенең интенсив терапиясендә дәвалануда була. Авыр формадагы яңа коронавирус инфекциясе ике яклы интерстициаль пневмония белән катлауландырылган. Башка авырулары, шул исәптән үткен миелобласт лейкозы, авыр дәрәҗәдәге тромбоцитопения, йөрәк-кан тамырлары һәм сулыш авырулары булган.

Россиядә тәүлектә коронавирус инфекциясе белән авыруның 8 мең 894 яңа очрагы расланды. Шулай итеп, илдә COVID-19 авыруы саны 326 мең 448 булды. 99 мең 825 кеше савыккан, 3249 кеше үлгән.

Шулай ук укыгыз

Барлык яңалыклар