Татарстанда СОVID-19 белән зарарлануның 71 яңа очрагы теркәлде

Авыручы кешеләрнең 30-ы Казанда яши.

Фото: Денис Гордийко

(Казан шәһәре KZN.RU, 14-нче февраль). Татарстанда 71 яңа СОVID-19 йоктыру очрагы теркәлгән, шуларның 4 читтән кертелгән, калганнары контактлы. 30 кеше хастаханәгә озатылган, 41 кеше өйдә дәвалана.

Авыручылар арасында ике балигъ булмаган бала, 18 яшьтән 30 яшькә кадәрге 6 кеше бар, 14 кеше – 30 дан 50 яшькә кадәрге, 10 кеше – 50-дән 60 яшькә кадәр, 26 кеше – 60 яшьтән 70 яшькә кадәр, 10 кеше – 70 тән 80 яшькә кадәр, 3 кеше – 80 яшьтән 90 яшькә кадәр.

30 кеше – Казанда, 11 кеше – Яр Чаллыда, 6 кеше – Буа районында, 3 кеше – Актаныш, Яшел Үзән, Лаеш һәм Түбән Кама районнарында, икешәр кеше – Нурлат һәм Питрәч районнарында, берәр кеше Әтнә, Бөгелмә, Югары Ослан, Биектау, Чүпрәле, Зәй, Балык Бистәсе һәм Тукай районнарында яши.

14-нче февральгә Татарстанда 17 мең 167 COVID-19 белән зарарлану очрагы теркәлгән. Пандемиянең бөтен чорында 13 мең 695 кеше сәламәтләнде, шул исәптән 13 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Республикада коронавирустан 43 мең 102 кеше вакциналашкан (тәүлеккә үсеш – 2279 кеше), шуларның 8839 кеше икенче дозаны алган. 81 мең 122 доза комплектының 53,1%-ы кулланылган.

Федераль оператив штаб мәгълүматы буенча, Россиядә бер тәүлек эчендә 14 мең 185 яңа авыру очрагы теркәлгән. Илдә барлыгы 4 млн 71 мең 883 кеше авырган, 3 млн 593 мең 101 кеше сәламәтләнгән, 80 мең 125 кеше үлгән.

Шулай ук укыгыз

Барлык яңалыклар