Татарстанда күпфункцияле үзәк офислары һәм Пенсия фонды арасында электрон хезмәттәшлек кертелде

Татарстанда күпфункцияле үзәк офислары һәм Пенсия фонды арасында электрон хезмәттәшлек кертелде

<p> <img width="870" src="https://www.kzn.ru/upload/iblock/23f/DEN_7180.jpg" height="652"><br> </p> <p> (Казан шәһәре KZN.RU, 9-нчы гыйнвар). Татарстанда күпфункцияле үзәкләр һәм Пенсия фонды арасында электрон хезмәттәшлек гамәлгә кертелгән. Бу документлар алу процессын шактый гадиләштерәчәк һәм курьер илтүенә дәүләт бюджеты чыгымнарын киметәчәк. </p> <p> Татарстанның күпфункцияле үзәк офисларында республика халкына Россия Пенсия фондының 13 хезмәте күрсәтелә. Әйтик, пенсия күләме, шәхси исәп-хисапның торышы турында белешмә алу, ана (гаилә) капиталына сертификат алу, мәҗбүри пенсия иминияте системасында теркәлү, иминият таныклыгы дубликатын алыштыру яки алу өчен гариза бирү. </p> <p> 2019 ел йомгаклары буенча республиканың күп функцияле үзәкләренә Россия Пенсия фонды хезмәтләрен алуга 154 меңнән артык мөрәҗәгать керде. </p> <p> Элегрәк күпфункцияле үзәктән алынган барлык гаризалар һәм документлар флеш-туплау җайланмасында курьер хезмәте тарафыннан Пенсия фондының район бүлекчәләренә җибәрелгән, Казан һәм республика районнары буенча документлар илтүгә аена 98 мең сумнан артык акча тотылган. Шулай итеп, Россия Пенсия фонды һәм күпфункцияле үзәк арасында электрон бәйләнешне кертү документлар алу процессын гадиләштереп кенә калмыйча, мәгълүматларны җайланмаларга күчерү һәм документларны китерүне гамәлгә ашыру зарурлыгыннан да азат итә, дип хәбәр итә ТР дәүләт идарәсен цифрлы үстерү, мәгълүмати технологияләр һәм элемтә министрлыгы матбугат хезмәте. </p>

2020-01-09T15:04:43+0300