Татарстанда БДИ уздыруның беренче көнендә 3 меңнән артык чыгарылыш имтиханы тапшырылачак

Укучыларның һәм педагогларның иминлеге өчен санитар-эпидемиологик таләпләр катгый үтәлә.

(Казан шәһәре KZN.RU, 3-нче июль). Бүген чыгарылыш укучылары өчен төп дәүләт имтиханнарын тапшыру чоры башланды. Татарстанда имтиханнарны беренче көнне 3 мең 433 чыгарылыш сыйныф укучысы тапшырачак: 225 укучы - география, 1042 - рус әдәбияты, 2166 - информатика һәм мәгълүмати-коммуникацион технологияләр. Республикада БДИ уздыруның 61 пункты оештырылган, өйдә уздыру өчен 4 пункт билгеләнгән. БДИ уздыруның барлык пунктларында укучылар кабул итү алдыннан дезинфекция эшкәртүе үткәрелгән.

Укучыларның һәм педагогларның иминлеге өчен санитар-эпидемиологик таләпләр катгый үтәлә. Шулай итеп, чыгарылыш укучылары һәм оештыручыларның ишекләрендә температураны үлчиләр, дезинфекцияләүче чаралар белән кулларны эшкәртәләр, кирәк булганда битлек һәм перчаткалар бирәчәкләр. БДИның барлык катнашучылары социаль дистанцияне үтәргә тиеш - моның өчен имтихан уздыру пунктына керү алдыннан һәм бинада махсус билге куелган. Персонал һәм укучыларны имтиханнар үткәрү пунктларына респиратор авырулары билгеләре белән кертмәячәкләр.

Имтиханнарда аудиторияләрдә имтихан материалларының тулы комплектын бастыру һәм катнашучыларның җаваплары бланкларын электрон рәвешкә күчерү (имтихан материалларын сканерлау) технологиясе кулланыла, шулай ук онлайн-видеокүзәтү алып барыла. Казан һәм Чаллы югары уку йортлары студентлары күзәтүчеләр булып торачак.
Имтихан нәтиҗәләрен чыгарылыш сыйныф укучылары 10-14 көн үткәч беләчәк. Быел абитуриентлар кабул итү комиссияләренә документлар тапшырырга өлгерсен өчен аларны оператив бастырачаклар, дип хәбәр итә ТР Мәгариф һәм фән министрлыгы матбугат хезмәте.

Исегезгә төшерәбез, быел БДИны югары уку йортларына керергә ниятләгән укучылар гына тапшыра. Казанда бердәм дәүләт имтиханын тапшыру өчен 37 махсуслаштырылган пункт оештырылды: 25 - мәктәпләрдә һәм 12 - мөмкинлекләре чикләнгән укучылар өчен өйдә. Имтиханнар 3-нче июльдән 25-нче июльгә кадәр бөтен ил өчен бердәм җәдвәл белән узачак. Җитди сәбәпләр аркасында төп даталарда һәм резерв көннәрдә имтихан бирә алмаганнар өчен 3-нче августтан 8-нче августка кадәр өстәмә чор каралган.

Шулай ук укыгыз

Барлык яңалыклар