Татарстанда 2020 елның октябрендә Бөтенроссия халык санын алу узачак

2010 елгы соңгы исәпкә алу нәтиҗәләре буенча, Казанда 1 млн 143 мең 535 кеше яшәгән.

(Казан шәһәре KZN.RU, 10-нчы сентябрь). Татарстанда 2020 елның октябрендә Бөтенроссия халык санын алу узачак. Халык санын алуны әзерләү һәм үткәрү өчен махсус республика комиссиясе җавап бирәчәк, аның рәисе итеп Татарстан Премьер-министры Алексей Песошин расланды. Татарстан Республикасы Хөкүмәтенең тиешле документы Татарстанстат рәсми сайтында басылып чыкты.

Исегезгә төшерәбез, соңгы Бөтенроссия халык санын алу 2010 елның 14 октябрендә узды. Аның нәтиҗәләре буенча, Казанда 1 млн 143 мең 535 кеше яшәгән, шуларның 635 мең 152-се хатын-кыз һәм 508 мең 383-е ир-ат.

Республика буенча тулаем алганда, исәпкә алу буенча 3 млн 786 мең 488 кеше теркәлгән, алар арасында 2 млн 38 мең 45 хатын – кыз, ир-атлар - 1 млн 748 мең 443.

Шулай ук укыгыз

Барлык яңалыклар