Татарстанда киләсе атнада уртача тәүлеклек температуралар нормадан 3-5 градуска артыграк булачак

Татарстанда киләсе атнада уртача тәүлеклек температуралар нормадан 3-5 градуска артыграк булачак

<p> Ялларда Татарстан төньяк циклон йогынтысында булачак, катнаш характердагы зур булмаган явым-төшемнәр көтелә. </p> <p> Иртәгә Казанда болытлы һава торышы көтелә, синоптиклар юеш кар вәгъдә итә. Җил көньяк-көнбатыштан 6-11 м/с тизлек белән. Юлларда бозлавык хасил булачак. Төнлә һәм көндез һава температурасы +1..+3 градус булачак. </p> <p> Шимбә һәм якшәмбе көннәрендә Татарстан Республикасында 15 м/с ка кадәр көчле җил көтелә. Термометрлар төнлә -4..+1, ә көндез – -1..+4 градус күрсәтәчәк. Юлларда урыны белән бозлавык сакланачак. </p> <p> Татарстан Республикасы Гидрометүзәге алдан фаразлаганча, киләсе атна башында республикада җылы һава торышы, урыны белән явым-төшемнәр булачак. Төнлә температура -1..+2 градуска күтәреләчәк, көндез 0..+5 градус көтелә. Уртача тәүлеклек температурасы нормадан 3-5 градуска артып китәчәк. </p>

2024-11-15T14:44:00+0300