Татарстанда янгынга каршы режим старт ала

Казанда пиротехника әйберләрен куллану өчен дүрт мәйданчык билгеләнгән.

(Казан шәһәре KZN.RU, 19-нчы декабрь). Татарстан Республикасында 20 декабрьдән янгынга каршы махсус режим кертелә, аның нигезендә кайбер территорияләрдә пиротехника әйберләрен куллану тыела.

Казанда яңа ел бәйрәмнәрендә фейерверклар җибәрү өчен махсус мәйданчыклар билгеләнгән:

Авиатөзелеш һәм Яңа Савин районнарында-Казансу елгасы ярлары мәйданчыгы (Чуйков һәм Гаврилов урамнары киселеше);

Киров дамбасының яр буе;

Идел буе районында - Каенлыкта "Сабантуй" мәйданчыгы каршында транспорт өчен автомобиль стоянкасы;

Совет районында - Нәҗип Җиһанов һәм Сабир Әхтәмов урамнары киселешендә (Казан ипподромы артында).

Оештырылган мәйданчыкларда медиклар һәм янгын сүндерүчеләр кизү торачак.

Янгынга каршы махсус режим кертү яңа ел бәйрәмнәрендә янгын очраклары ешаюга бәйле. Декабрь-гыйнвар бәйрәм көннәрендә янгынның иң киң таралган сәбәбе - ут белән саксыз эш итү. Янгынга каршы режим вакытында пиротехника сәнәгать объектлары, транспорт инфраструктурасы (автомобиль юлларыннан тыш), ягулык-энергетика комплексы (шул исәптән линияле) чикләреннән 500 метрдан якынрак арада, шулай ук торак-коммуналь хуҗалык объектлары, авыл хуҗалыгы объектлары, кешеләр күп була торган объектлар, автомобиль юллары чикләреннән 50 метрдан якырак арада куллану тыела.

Янгынга каршы махсус режим 9 гыйнварга кадәр дәвам итәчәк.

Шулай ук укыгыз

Барлык яңалыклар