Татарстанда Казан парклары исе белән шәмнәр барлыкка киләчәк

Исләрне «Черек күл» паркына, Горки-Әмәт урманына яки Кабан күле яр буена багышларга тәкъдим итәләр.

Фото: Денис Гордийко

(Казан шәһәре KZN.RU, 28 нче апрель). Татарстанда паркларның исләре белән шәмнәр барлыкка киләчәк. Республика халкы исләр багышланачак иҗтимагый киңлекләрне үзләре сайлый ала.

Яңа проектны «Татарстан парклары» ширкәте һәм урбанист, архитектор, ТР шәһәрләрен үстерү институтының архитекторлар төркеме җитәкчесе Вероника Ямилова башлап җибәрә.

Социаль челтәрләрдә иҗтимагый киңлекләр өчен тавыш бирергә мөмкин. Сайлап алу өчен 6 парк тәкъдим ителгән: Горький исемендәге парк, Горки-Әмәт урманы, «Черек күл» паркы, Кабан күле яр буе, Салават Күпере микрорайонындагы парк, «Ак чәчәкләр» бульвары.

«Шәһәрләрне бөтенләй башка юллар белән өйрәнеп була һәм кирәк тә. Хәзерге вакытта мин исләр аша өйрәнүгә тукталырга булдым. Барлык шәһәрләр дә аңкый, объектив аңкый. Бары тик безнең хушбуйларны кабул итүебез һәм аларның безгә ничек тәэсир итүе генә субъектив. Альфакторлы урбанистика белән шөгыльләнү – бу хәзер минем максатым», – ди Вероника Ямилова.

Өч парк сайланганнан соң, шәм ясаучы хуш исләр сайлый башлаячак. Аннары Казан паркларында берничә бушлай мастер-класс узачак, дип хәбәр итә Татарстан шәһәрләрен үстерү институты.

Шулай ук укыгыз

Барлык яңалыклар