Татарстанда көн саен яңа СОVID-19 очракларының көндәлек үсеш темпы 0,2% дәрәҗәсендә саклана

Пандемия башланганнан бирле республикада Британия штаммы белән авыруның 32 очрагы һәм Һинд штаммы белән авыруның 32 очрагы ачыкланган.

Фото: Марат Мугинов

(Казан шәһәре KZN.RU, 23-нче июль, Ксения Швецова). Татарстанда яңа COVID-19 очракларының атналык та һәм көндәлек үсеш темпы 0,2% дәрәҗәсендә саклана. Медицина күзәтүе астында йогышлы коронавирус белән элемтәгә кергән 2 мең 228 татарстанлы кала. Бу хакта бүген «Татар-информ» мәгълүмат агентлыгында узган матбугат конференциясендә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе җитәкчесе урынбасары Любовь Авдонина хәбәр итте.

Узган тәүлек эчендә республикада СОVID-19 авыруының 51 очрагы ачыкланган. Пандемиянең бөтен чорында 23 мең 516 очрак теркәлгән, күрсәткеч 100 мең кешегә 602,5 тәшкил итә. Узган тәүлектә 35 кеше сәламәтләнгән, ә гомумән алганда, коронавирустан 20 мең 938 кеше дәваланган.

«Бүгенге көндә Британия штаммы белән авыруның 32 очрагы, Һинд штаммы белән авыруның 32 очрагы ачыкланган. Республикада Бразилия штаммы белән авыруның бер генә очрагы да теркәлмәгән», – дип хәбәр итте Л.Авдонина.

Татарстанда яңа мобиль пунктлар ачылу сәбәпле, вакцинация темплары үсүен дәвам итә, дип хәбәр итте Татарстан Республикасы Сәламәтлек саклау министры урынбасары – Татарстан Республикасы Сәламәтлек саклау министрлыгының Казан буенча Идарәсе җитәкчесе Владимир Жаворонков. «Бүгенгә барлыгы 755 мең 41 кеше вакцинацияләнгән, шулардан ике прививканы да 524 мең 865 кеше ясаткан, – дип өстәде ул. – Вакцина республикага планлы тәртиптә даими партияләр белән керә».

Исегезгә төшерәбез, узган атнада Казанда Үзәк универсаль кибеттә вакцинация пункты эшен яңартты. Шулай ук мобиль пунктлар «Южный», «Мега» сәүдә-күңел ачу үзәкләрендә һәм «Парк Хаус» сәүдә-күңел ачу комплексында эшли.

Шулай ук укыгыз

Барлык яңалыклар